Home / Sport / Xhemajli tani kërkohet nga Liverpooli

Xhemajli tani kërkohet nga Liverpooli

Liverpooli e ka përgatitur një ofertë të majme dhe vështirë të refuzueshme për Blerim Xhemajlin, shkruajnë mediat italiane. Mesfushori shqiptar, i cili nuk dëshiron të qëndrojë më në Torino, kërkohet edhe nga disa skuadra italiane si Palermo, Fiorentina, Udinese, Sampdoria, Napoli, Lazio e Roma.

E ardhmja e Blerim Xhemajlit mund të jetë larg Italisë. Sipas uebfaqes italiane tuttomercatoweb.com, për mesfushorin shqiptar me nënshtetësi zvicerane interesim ka shprehur klubi anglez Liverpool.

Gjithnjë sipas kësaj ueb faqeje, klubi nga Anfield Road ka përgatitur një ofertë të majme për futbollistin, e cila do të ishte vështirë të refuzohej nga presidenti i Torinos, Urbano Cairo.

Ditë më parë, drejtori sportiv i klubit Granata, Rino Foschi, e kishte konfirmuar se për 23 vjeçarin kanë arritur oferta nga jashtë. “Çështja e Xhemajlit është e ndërlikuar. Ne dëshirojmë ta mbajmë, por ai është i ri dhe e kërkon Botërorin. Tifozët janë të magjepsur pas tij, por futbollisti ka marrë oferta mjaft të rëndësishme, mbi të gjitha nga Anglia”, thoshte Foschi.

Liverpool së shpejti mund të mbetet pa mesfushorin defanziv Xabi Alonso, i cili mund t’i bashkohet Realit të Madridit. Andaj menaxheri spanjoll, Rafa Benitez duket ta ketë zgjedhur futbollistin shqiptar si zëvendësues të përfaqësuesit spanjoll.

Në Itali gati gjysma e ekipeve janë të interesuara për ish futbollistin e Bolton. Së fundmi interesimin më të fuqishëm e ka shprehur Palermo, ndërsa nuk mbeten shumë prapa as Fiorentina, Udinese, Sampdoria, Napoli, Lazio e Roma.

Torino dëshiron ta mbajë futbollistin e vet, por ky i fundit nuk do të luajë në Serie B. Kartoni i Xhemajlit kushton rreth 8 milionë euro.

Gjithashtu lexo

Shikoni çfarë ka bërë Barcelona pas sulmit terrorist (FOTO)

Klubi i Barcelonës ka reaguar pas sulmit terrorist në Barcelonë. Katalunasit e kanë bërë një …

Leave a Reply

Your email address will not be published. Required fields are marked *