Home / Sport / Zidan për goditjen ndaj Materacit: Faleminderit moviolë!

Zidan për goditjen ndaj Materacit: Faleminderit moviolë!

Ish-mesfushori francez i rikthehet edhe një herë episodit të para katër viteve, kur goditi me kokë Marko Materacin në finalen e Berlinit.

Zidan doli me karton të kuq nga ajo finale, pasi gjyqtari kryesor u këshillua me asistentin e katërt, i cili e pa gjithë skenën të përsëritur në monitor. Sipas ish-lojtarit të Realit, përdorimi i moviolës, edhe pse ishte kundër tij, është i drejtë në raste të tilla.

“Më mirë që shkoi kështu – tha Zizu në një intervistë për “France Football” -. Më mirë që Bufoni lajmëroi gjyqtarin për të parë atë që bëra, sepse nuk ishte e këndshme”.

Për ish-mesfushorin francez, edhe rezultati i finales (1-1 koha e rregullt, 5-4 me penallti për italianët) ishte i drejtë. “Sinqerisht, nuk e di si do jetoja me këtë peshë në ndërgjegje, nëse Franca do të ishte shpallur Kampione e Botës dhe unë do të isha në fushë. Do të ndihesha keq, kjo është e sigurt. Mbi të gjitha, sepse ky do të ishte imazhi im i fundit si lojtar”, shtoi ai.

Gjithashtu lexo

Shikoni çfarë ka bërë Barcelona pas sulmit terrorist (FOTO)

Klubi i Barcelonës ka reaguar pas sulmit terrorist në Barcelonë. Katalunasit e kanë bërë një …

Leave a Reply

Your email address will not be published. Required fields are marked *