Home / Sport / Ciao ciao Italia!

Ciao ciao Italia!

Katër herë kampionët e botës i kanë dhënë fund aventurës afrikanojugore, pas humbjes 3-2 përballë Sllovakisë që shkruan historinë në të parin botëror që merr pjesë.

Në sfidën e fundit të grupit F, kombëtarja “axurre” duhej të siguronte patjetër tri pikët, për të mos i varur shpresat nga ndeshje mes Paraguajit dhe Zelandës së Re. Por në fakt, në “Ellis Park” të Johanesburgut ndodhi krejt e kundërta. Verdikti i fushës së lojës është i thjeshtë: Italia në shtëpi, Sllovakia në delir.

Dëshira e sllovakëve u vu re që në fillimin e takimit dhe u shpërblye në minutën e 25-të me golin e Vitek. Edhe pas avantazhit, skuadra e Vladimir Vais nuk hoqi dorë nga loja sulmuese, duke e vënë disa herë në vështirësi portierin Marketi.

45-minutëshi i dytë dhuroi shumë emocione, gola dhe ankth deri në vërshëllimën e fundit të gjyqtarit anglez Hauard Ueb. Sllovakia gjeti sërish golin në të 73-tën, përsëri me Vitek, ndërkohë që nëntë minuta para fundit Di Natale riktheu në lojë “axurrët”.

Goli i Kopunek në minutën e 89-të u dha një goditje të rëndë shpresave të italianëve, të cilëve u mbajftonte një barazim për të kaluar grupin. Fabio Kualjarela shkurtoi përsëri në minutën e dytë të shtesës, por që rezultoi i pamjaftueshëm për kombëtaren e Marçelo Lipit.

Kështu, pas Francës, një tjetër emër i madh i jep fund ëndrrës drejt suksesin të Afrikën e Jugut. Nga ana tjetër, Sllovakia bëri atë që nga shumë mendohej si e pamundur: siguroi 1/8-at në të parën pjesëmarrje në një Kupë Bote.

Gjithashtu lexo

Shikoni çfarë ka bërë Barcelona pas sulmit terrorist (FOTO)

Klubi i Barcelonës ka reaguar pas sulmit terrorist në Barcelonë. Katalunasit e kanë bërë një …

Leave a Reply

Your email address will not be published. Required fields are marked *