Home / Sport / Zyrtare: De Gea portier i Man United

Zyrtare: De Gea portier i Man United

Kampioni i Premier Ligës, Manchester United, ka konfirmuar se ka angazhuar portierin spanjoll Davide de Gea për 17 milionë paund nga Atletico Madrid.

Spanjolli ka rënë dakort të nënshkruajë kontratë pesëvjeçare dhe bëhet kështu nënshkrimi i tretë i këtij afati kalimtar për Djajtë e Kuq. Ata tashmë kanë transferuar Phil Jones dhe Ashley Young, ndërsa arritja e De Gea çon në 50 milionë harxhimet e tyre.

“Jam shumë krenar dhe mezi pres të filloj të luaj këtu. Kur një klub i madhësisë së Manchester United vjen pas jush është e padiskutueshme se kjo ju bën shumë, shumë të lumtur”.

“E kam parë interesimin e tyre si një motivim shtesë për të punuar edhe më fuqishëm, për të treguar aftësitë e mia. Është një privilegj i madh të jesh pjesë e një klubi si United dhe do të jap më të mirën për të treguar gjithë çfarë mundem”, ka thënë De Gea.

Njëzetvjeçari spanjoll, i cili tejkaloi testet mjekësore më herët gjatë javës, arrin në Old Trafford si zëvendësim i drejtpërdrejtë për holandezin e porsa-pensionuar Edwin van der Sar.

Gjithashtu lexo

City: 300 mln euro për Messi-n – (VIDEO)

Klubi anglez, Mançester Sity është i gatshëm të bëjë çmendurinë e radhës në tregun e …

Leave a Reply

Your email address will not be published. Required fields are marked *