Home / Lajme / Maqedoni / Rast i parë i infektimit nga ethet e Nilit-perëndimor në Maqedoni

Rast i parë i infektimit nga ethet e Nilit-perëndimor në Maqedoni

10shtator-Në drejtim të parandalimit me kohë të kësaj sëmundje Komisioni për sëmundje infektuese e cila kishte seancë dje, i rekomandon popullsisë zbatim të mjeteve për mbrojtje nga kafshimi i mushkonjave, vendosje të rrjeteve mbrojtëse në dyer dhe dritare, si dhe shmangie të ekspozitimit më të gjatë në mjedis të hapur në periudhë të aktivitetit më të madh të mushkonjave në agim dhe në perëndim të diellit.

Regjistrohet rasti i parë i të sëmurëve nga ethet e Nilit-perëndimor, të cilat barten përmes pickimit të mushkonjave, të cilat shpesh herë janë të pranishme në afërsi të sipërfaqeve të moçaleve, kanaleve dhe të ngjashme. Bëhet fjalë për një fëmijë 6-vjeçar nga Shkupi, i cili po mjekohet në Klinikën për sëmundje infektuese dhe është në gjendje të mirë shëndetësore. Fëmija nuk ka qëndruar jashtë Maqedonisë, por me siguri është kafshuar nga ndonjë mushkonjë, e cila ka ardhur nga ndonjë vend i ngrohtë ku është i pranishëm virusi.

“Kjo është hera e parë që në Republikën e Maqedonisë të regjistrohet një rast i personit të sëmurë nga ethet e Nilit-perëndimor. Megjithatë mund të thuhet se është pritur paraqitje e këtij virusi edhe në shtetin tonë, duke u nisur nga fakti se në mjedisin e afërt gjatë këtij viti dhe vitit të kaluar janë regjistruar një numër i madh i rasteve të reja nga kjo sëmundje në Greqi, Shqipëri dhe Kosovë”, deklaroi sot ministri i Shëndetësisë, Nikolla Todorov.

Ministri siguroi se institucionet mjekësore disponojnë me terapi të nevojshme për mjekim në këtë sëmundje dhe se janë siguruar reagente të nevojshme për dëshmi laboratorike të këtij virusi.

Duke shprehur shpresë se ky do të rast i izoluar, ministri tha se informacion pozitiv është ai se rezultatet e para nga analizat që janë bërë dje me marrjen e shembujve nga mushkonjat në Shkup tregojnë se lloj të tillë të mushkonjave nuk ka, por se me sigurinë 100-për qindësh do të mund të thuhet nëse bëhet fjalë për mushkonja të cilat veçmë janë në Maqedoni ose për mushkonja nga ndonjë vend i ngrohtë ku është i pranishëm ky virus.

Virusi mund të kalojë edhe pa treguar ndonjë simptom, ndërsa një nga 150 rastet ka simptome të fuqishme nga ky virus. Ata, kiç sqaroi drejtori i Klinikës infektive Zvonko Milenkoviq, paraqiten me dy forma. E para është me ngritje të temperaturës dhe simptome tjera të përgjithshme të cilat ngjajnë me gripin dhe tjetra, më e rëndë në të cilën paraqiten ndezje e trurit. Vdekshmëria është më e vogël se një për qind, njëjtë sikur që është te gripi dhe disa sëmundje të tjera infektuese akute.

Rekomandim i Komisionit për sëmundje infektuese është që të kryhet konfirmim i detyrueshëm etiologjik i virusit të West Nile te të gjithë pacientët me temperaturë të lartë, me përfshirje të sistemit qendror nervor dhe manifestime të tjera neurologjike.

Në drejtim të parandalimit me kohë të kësaj sëmundje Komisioni për sëmundje infektuese e cila kishte seancë dje, i rekomandon popullsisë zbatim të mjeteve për mbrojtje nga kafshimi i mushkonjave, vendosje të rrjeteve mbrojtëse në dyer dhe dritare, si dhe shmangie të ekspozitimit më të gjatë në mjedis të hapur në periudhë të aktivitetit më të madh të mushkonjave në agim dhe në perëndim të diellit.

Vetëqeverisja lokale megjithatë, është e obliguar nga Inspektorati shtetëror sanitar dhe shëndetësor të ketë qasje ndaj tharjes së të gjitha sipërfaqeve moçaleve dhe të zbatojnë dezinfektim aero-teristik të sipërfaqeve publike në pajtim me legjislacionin me qëllim të shkatërrimit të mushkonjave.

Në Shkup ku është konstatuar ky rast me kohë dhe në pajtim me të gjitha standardet është kryer dezinfektim edhe në ajër edhe në tokë katër herë, ndërsa është bërë edhe dezinfektim i moçaleve

Gjithashtu lexo

Lumi në Poroj të Tetovës ende mbetet pezull, banorët bllokojnë rrugën Tetovë-Jazhincë

Banorët e fshatit Poroj, sot (18 gusht), prej ora 14:00 e kanë bllokuar rrugën rajonale …

Leave a Reply

Your email address will not be published. Required fields are marked *