Home / Lajme / Maqedoni / Franca nuk përmend Maqedoninë

Franca nuk përmend Maqedoninë

24 nëntor-Sa i përket Kosovës, Qeveria franceze mbështet një marrëveshje parimore për fillimin e dialogut për liberalizimin e vizave, që do të kishte një epilog me heqjen e vizave, mirëpo paraprakisht pasi të jenë plotësuar kushtet dhe kriteret e Këshillit të BE-së.

Franca në prioritetet e shprehura për politikat e procesit të zgjerimit të Bashkimit Evropian (BE) nuk ka përmendur fare Maqedoninë, informon agjencia e lajmeve INA.

Ministri i jashtëm francez, Alen Zhype në mbledhjen e mbajtur sot të Këshillit të ministrave të Francës, që është nën kryesimin e presidentit Nikola Sarkozi, ka shprehur pozicionet e Francës rreth procesit të zgjerimit të BE-së.

“Politika e zgjerimit të BE-së ka dhënë kontribut të rëndësishëm për integrimin dhe politikat e stabilitetit në hapësirën evropiane. Me qëllim që kjo politikë të bëhet kyçe, duhet të jetë e kontrolluar, duke pasur parasysh situatën aktuale në BE, por edhe të bazohet në kapacitetet e secilit vend kandidat, që duhet të vlerësohet rreth kritereve të plotësuara për anëtarësim, sidomos në fushën e sistemit të drejtësisë”, thuhet në qëndrimin e shprehur të Francës.

Në dokumentin e autoriteteve franceze nënvizohet se imperativ i kohës është forcimi i brendshëm i BE-së dhe integrimi më i mirë i evrozonës.
Dokumenti i politikave franceze të integrimit ka përmendur Serbinë, Turqinë dhe Kosovëën, Malin e Zi, në planin e integrimit të tyre në BE.

Lidhur me Serbinë, Franca mbështet dhënien e statusit të vendit kandidat, por në këmbim të kësaj të ketë përparime konkrete në dialogun midis Prishtinës dhe Beogradit.

Sa i përket Kosovës, Qeveria franceze mbështet një marrëveshje parimore për fillimin e dialogut për liberalizimin e vizave, që do të kishte një epilog me heqjen e vizave, mirëpo paraprakisht pasi të jenë plotësuar kushtet dhe kriteret e Këshillit të BE-së.

Franca për Turqinë përsërit pozicionet e saj se ky vend duhet të b ëjë përparime në shumë sfera, si forcimin e dialogut politik, riatdhesimin, vizat dhe kontrollin e kufijve.

Në tërë raportin e autoriteteve franceze nuk është thënë asnjë fjalë për Maqedoninë dhe procesin e integrimit të saj në BE. Qeveria franceze është e njohur me qëndrimet e saj pro mbështetjes së Greqisë në kontestin e emrit. Këto qëndrime në disa raste janë shprehur edhe nga presidenti Nikola Sarkozy

Gjithashtu lexo

Tym, zjarr e mbeturina në komunat shqiptare, politikanët bëhen gati për fushatë,rinia pa shpresa

Partitë shqiptare në Maqedoni kanë filluar përgatitjen për fushatën e zgjedhjeve lokale të cilat pritet …

Leave a Reply

Your email address will not be published. Required fields are marked *