Home / Lajme / Rajon / Prizrenasja Rina Bilurdagu, fituese e “The Voice of Albania”

Prizrenasja Rina Bilurdagu, fituese e “The Voice of Albania”

11 shkurt-Fituesi ishte një, por çmime morën të katërt finalistët: për secilin prej tyre “Universal Music” do të kompozojë nga një këngë, të cilat më pas do të shpërndahen në rang ndërkombëtar, por jo vetëm, për ta do të krijohen edhe këngë, me të cilat më pas do të marrin pjesë në “Top Fest 9” që pritet të fillojë së shpejti.

Është Rina, fituesja e edicionit të parë të “The Voice of Albania”. Me trajneren Alma Bektashi, vajza nga Prizreni që aktualisht studion për piano, grumbulloi numrin më të madh të votave të publikut, i cili pati fjalën e fundit në përzgjedhjen e fituesit. Çmimi i fituesit mundëson lidhjen e një kontrate dy vjeçare me “Universal Music”, cka përfshin kompozime këngësh dhe lansimin në tregun ndërkombëtar.

Ishin katër finalistët, të cilët mbërritën në të premten e 17-të dhe të fundit të spektaklit: Rina Bilurdagu, Marsela Çibukaj, Lundrim Paçuku dhe Enrika Derza.

Pas një përzgjedhjeje të parë gjatë finales, fituesi u luajt mes Rinës dhe Marselës, kjo e fundit në skuadrën e Elton Dedës.

Fituesi ishte një, por çmime morën të katërt finalistët: për secilin prej tyre “Universal Music” do të kompozojë nga një këngë, të cilat më pas do të shpërndahen në rang ndërkombëtar, por jo vetëm, për ta do të krijohen edhe këngë, me të cilat më pas do të marrin pjesë në “Top Fest 9” që pritet të fillojë së shpejti.

Ishin katër trajnerët që ndoqën këngëtarët gjatë këtyre javëve: Alma Bektashi, Miriam Cani, Sidrit Bejleri dhe Elton Deda. Ata performuan edhe në këtë natë të fundit, dy prej tyre me këngë të reja, që u prezantuan për herë të parë në “The Voice Of Albania”: Miriam Cani dhe Eugent Bushpepa me “Përgjithmonë” dhe Sidrit Bejleri me Kamela Islamaj “Më beso”.

Garë e gjatë, punë, miqësi, emocione, spektakël dhe mbi të gjitha gjithmonë në kërkim të zërit më të mirë, në “talent show”-n ku në fakt vetëm ai ka rëndësi.

Përfundon kështu edicioni i parë i “The Voice of Albania”, për t’i lënë vendin të dytit, së shpejti me audicione të reja.

Gjithashtu lexo

Emigranti shqiptar gjen portofolin me dollarë në New York dhe ia dorëzon të zonjës

Një emigrant nga Dibra e Madhe, i cili jeton në Staten Island, Nju Jork, ka …

Leave a Reply

Your email address will not be published. Required fields are marked *