Home / Sport / Dortmund hipotekon titullin kampion

Dortmund hipotekon titullin kampion

Borusia Dortmund ka vënë një dorë mbi titullin kampion pas fitores së rëndësishme 1-0 ndaj Bajern Mynih, duke u shkëputur tashmë 6 pikë nga bavarezët kur kanë mbetur vetëm 4 javë deri në përfundimin e sezonit në Gjermani. Ndeshja e shumëpritur nga të gjithë tifozët gjermanë nuk ka zhgënjyer duke dhuruar emocione deri në minutat e fundit.

Ekipi vendas ka qenë më dominues në lojën e tij, edhe falë mbështetjes së flaktë të tifozerisë por skuadrat nuk kanë patur shumë raste për të shënuar qoftë edhe për shkak të mbrojtjeve tejet të ngjeshura. Ndaj për të vendosur ndeshjen është dashur një devijim me thembër i Levandovskit pas gjuajtjes së Groskroitz, që portieri Nojer i Bajernit të shihte topin të përfundonte në rrjetë në minutën e 77-të.

Emocionet kanë vazhduar deri në fund pasi Bajern ka tentuar në të gjitha mënyrat të gjejë barazimin, ndërsa Arjen Roben ka humbur mundësinë më të mirë duke shpërdoruar një penallti në minutën e 85-të, duke i lënë fitores skuadrës së Jurgen Klop që shkon drejt titullit të dytë radhazi. (LajmeShqip.com)

Rezultatet
Leverkusen-Kaizerslautern 3-1
Dortmund-Bajern Mynih 1-0
Hanover-Volfsburg 2-0
Hofenhaim-Hamburg 4-0
Nyremberg-Shalke 4-1

Renditja
Borusia Dortmund 69, Bajern Mynih 63, Shalke 57, Borusia Mynshengladbah 53, Shtutgart 46, Hanover 44, Bajer Leverkusen 44, Verder Bremen 42, Volfsburg 40, Hofenhaim 40, Mainc 36, Fraiburg 35, Nyremberg 35, Hamburg 31, Augsburg 30, Këln 29, Herta Berlin 27, Kaizerslautern 20.

Gjithashtu lexo

Shikoni çfarë ka bërë Barcelona pas sulmit terrorist (FOTO)

Klubi i Barcelonës ka reaguar pas sulmit terrorist në Barcelonë. Katalunasit e kanë bërë një …

Leave a Reply

Your email address will not be published. Required fields are marked *