Home / Sport / Anglia kundër Italisë – Franca kundër Spanjës

Anglia kundër Italisë – Franca kundër Spanjës

Kombëtarja e Anglisë ka shënuar fitore prej 1-0 përballë Ukrainës për ta siguruar kualifikimin në çerekfinale të Euro 2012 nga pozita e parë në Grupin D. Përfaqësuesja ukrainase luajti më mirë në fraksionin e parë duke u përpjekur që të shënojë, ndërkohë që Tre Luanët më shumë u mbrojtën, por ishin të rrezikshëm nga kundërsulmet. Sido që të jetë, pas 45 minutave, rrjetat heshtën.

Porsa filloi gjysma e dytë, Steven Gerrard harkoi në zonë dhe aty ishte i kthyeri nga suspendimi, Wayne Rooney, i cili shënoi ndoshta golin më të thjeshtë në karrierë (48`), por që gëzon secilin tifoz të Anglisë.
Nga ana tjetër përkundër humbjes prej 2-0 nga Suedia, kombëtarja e Francës ka siguruar pjesëmarrjen në çerekfinale të Euro 2012 nga pozita e dytë në grup.

Pas asistimit të Sebastian Larsson, Zlatan Ibrahimovic u përkujdes për golin e parë në ndeshje (54`).

Asistuesi i golit të parë, Sebastian Larsson, realizoi golin e dytë (90`) për ta vulosur fitoren e parë të Suedisë në këtë Kampionat Evropian, e cila nuk i hyn në punë, por mund të regjistrohet vetëm për statistika.

Pas dy fitoresh dhe një barazimi, Anglia kualifikohet nga pozita e parë në Grupin D, ndërsa Franca zë vendin e dytë me një fitore një barazim dhe një humbje.

Në çerekfinale do të shohim dy superndeshje, Itali-Angli dhe Spanjë-Francë.

Gjithashtu lexo

Kastriot Tusha dhe “Ballistët” këndojnë “Xhamadani vija vija” midis Milanos (Video)

“Ballistët” janë duke bërë atmosferë fantastike në Milano dhe atyre u wshtw bashkuar edhe Kastriot …

Leave a Reply

Your email address will not be published. Required fields are marked *