Home / Sport / Fitore jo e lehtë e Juventusit

Fitore jo e lehtë e Juventusit

Zonja e Vjetër ka arkëtuar pikë të plota në udhëtim te Siena, ku ka shënuar fitore prej 2-1.

Edhe pse e dominuan ndeshjen, mysafirët me vështirësi arritën të rrëmbejnë pikë të plota nga ky takim.

Goli i parë erdhi nga mjeshtri Andrea Pirlo nga gjuajtja e lirë (14’). I njëjti futbollist ka mundur ta dyfishoi epërsinë në pjesën e parë, po nga gjuajtja e lirë, mirëpo kësaj radhe topi goditi transversalen.

Në minutat shtesë të pjesës së parë (45’+2), skuadra vendase e barazoi rezultatin. Realizues ishte Emanuele Calaio.

Në pjesën e dytë, mysafirët krijuan raste të shumta, sulmuan vazhdimisht, por vetëm në minutën e 85-të e shënuan golin e fitores. Claudio Marchisio ishte heroi i Juves.

Juventusi mban kreun e Serie A me 19 pikë, tri më shumë se Napoli që në mbrëmje zhvillon ndeshjen e vështirë ndaj Udineses.

Fitore kanë shënuar edhe Lazio dhe Fiorentina. Kryeqytetasit fituan në udhëtim te Pescara, 3-0, ndërsa Viola me rezultat minimal e mposhti Bolognan.

Gjithashtu lexo

Ylli i Shkëndijës: Nuk kemi çfarë të humbasim ndaj Milanit

Ardian Cuculi ka thënë se Shkëndija do të tentojë të bëjë lojën e saj dhe …

Leave a Reply

Your email address will not be published. Required fields are marked *