Home / Sport / Lojtarët myslimanë kundër sponsorit të Njukasëll

Lojtarët myslimanë kundër sponsorit të Njukasëll

Yjet myslimanë të Njukasëllit mund të mos pranojnë të mbajnë logon e sponsorit të ri të fanellave të kësaj skuadre, kompanisë huadhënëse “Wonga”. Situata ka dalë në skenë gjatë ditës së fundit, kur është mësuar se sipas fesë myslimane, është e ndaluar që besimtarët të marrin apo japin kredi me interes, gjë që nuk ndodh asnjëherë në bankat islamike.

Të Njukasëll janë lojtarët Demba Ba, Papis Cise, Çeik Tiote dhe Hatem Ben Arfa që janë myslimanë praktikantë. Ata mund të vendosin të ndjekin qëndrimin e ish-lojtarit të Totenhem dhe Uest Hem, Fredi Kanute, i cili refuzoi të mbante në fanellë emrin e faqes së internetit për baste sportive, 888.com te Sevilja, për shkak të bindjeve të tija fetare, pasi edhe kumari është i ndaluar sipas fesë myslimane. Ai përdorte gjatë ndeshjeve një fanellë pa logo, ndërsa atë me logo e mbante vetëm gjatë stërvitjeve.

Kuptohet që zgjedhja do të jetë individuale, por Njukasëll mund të përballet me një situatë mjaft të veçantë, ku 4 lojtarë njëkohësisht zbresin në fushë me fanella pa logo, ndërsa 7 të tjerët e mbajnë atë.

Ky “kërcënim” i shtohet faktit që kompania në fjalë është kontestuar ashpër nga tifozët e Njukasëll, disa prej të cilëve kanë marrë kredi nga ajo dhe kanë parë t’u rriten interesat që paguanin gjatë vitit të fundit.

Gjithashtu lexo

Ylli i Shkëndijës: Nuk kemi çfarë të humbasim ndaj Milanit

Ardian Cuculi ka thënë se Shkëndija do të tentojë të bëjë lojën e saj dhe …

Leave a Reply

Your email address will not be published. Required fields are marked *