Home / Sport / Mposhtet Chelsea – shpëton Juve

Mposhtet Chelsea – shpëton Juve

Shakhtar Donetsk vazhdon të jetë befasia e Grupit E. Pas barazimit ndaj Juventusit, ka arritur ta mposhtë Chelsean me rezultat 2-1.

Që në fillim të ndeshjes, ekipi ukrainas tregoi se luan për tri pikët. Pas mbrojtjes së dobët të mysafirëve, topi shkoi te Alex Teixeira, i cili paksa me fat kaloi skuadrën e tij në epërsi (3’).

Me epërsi minimale të vendasve u mbyll fraksioni i parë i lojës, pasi që Blutë nuk arritën të shënonin. Për më shumë, ata mbetën pa Frank Lampard, i cili u largua në minutën e 18-të për shkak të lëndimit.

Ukrainasit e filluan mirë edhe gjysmën e dytë të lojës. Një gabim të Eden Hazard e shfrytëzoi Luiz Adriano, i cili pasoi te Fernandinho dhe braziliani e dyfishoi epërsinë (52’).

Kampioni në fuqi i garës më të madhe evropiane për klube arriti që ta ngushtojë epërsinë me anë të Oscar (88’), mirëpo në minutat e mbetura nuk shënoi gol tjetër.

Ndeshja tjetër e Grupit E, ndërmjet Nordsjaelland dhe Juventus ka përfunduar me rezultat 1-1.

Ekipi vendas krijoi avantazh në minutën e 50-të me anë të Mikkel Beckmann, ndërsa Mirko Vucinic e barazoi rezultatin (81’).

Grupit E i prin Shakhtar Donetsk me shtatë pikë, Chelsea ka katër pikë në vend të dytë, ndërsa Juventusi në të tretin ka tri pikë pas tri xhirosh.

Gjithashtu lexo

City: 300 mln euro për Messi-n – (VIDEO)

Klubi anglez, Mançester Sity është i gatshëm të bëjë çmendurinë e radhës në tregun e …

Leave a Reply

Your email address will not be published. Required fields are marked *