Home / Sport / Reali shijon humbjen

Reali shijon humbjen

Nuk po i largohet ‘magjia e zezë’ Real Madridit në Gjermani. Mbretërit kanë pësuar me rezultat 2-1 nga Borussia Dortmundi në Signal Iduna Park.

Një lojë mjaft e bukur dhe dinamike është zhvilluar nga të dyja ekipet gjatë gjithë ndeshjes.

Fraksioni i parë ishte relativisht i barabartë, me mysafirët që e menaxhuan më shumë topin, ndërsa vendasit ishin më të rrezikshëm.

Robert Lewandowski pranoi një top nga Kehl për të dërguar në ekstazë tifozët e zhurmshëm të Dormundit (36’).

Mirëpo, vetëm dy minuta më pas (38’), Cristiano Ronaldo me shprehjen e tij të zakonshme “qetësohuni” e barazoi rezultatin. I mrekullueshëm ishte asistimi i Mesut Oezil.

Edhe më interesante ishte pjesa e dytë e ndeshjes, ndërsa skuadra vendase ishte për një nuancë më e mirë dhe këtë e tregon edhe rezultati.

Marcel Schmelzer ishte vendimtar me një goditje që e la të pashpresë Iker Casillasin (64’).

Skuadra spanjolle u mundua deri në fund që t’i shmangej humbjes, por pa sukses.

Në takimin tjetër të këtij grupi, Ajaxi e ka mposhtur Manchester Cityn me rezultat 3-1.

Grupit D i prin Borussia Dortmundi me shtatë pikë, ndërsa Real Madridi ka një pikë më pak dhe pozicionohet në vend të dytë.

Gjithashtu lexo

Tifozët shqiptarë nga Tetova pushtojnë rrugët e Milanos, çfarë po ndodh para ndeshjes? (VIDEO)

Grupimi i tifozëve të Shkëndijes, “Ballistët” që shquhen edhe si një nga tifozeritë më të …

Leave a Reply

Your email address will not be published. Required fields are marked *