Home / Lajme / Rajon / ‘The guardian’ rendit Shqipërinë si destinacionin e dytë turistik në vitin 2013

‘The guardian’ rendit Shqipërinë si destinacionin e dytë turistik në vitin 2013

7 janar-Gjatë pesë viteve të fundit Shqipëria është përfshirë në radarët e hartës botërore të turizmit. Agjencitë prestigjioze të turizmit po e rekomandojnë atë gjithnjë e më shumë, ndërsa agjencitë turistike pohojnë se numri i vizitorëve nga Europa Perëndimore po rritet gjithnjë e më shumë.

Revista prestigjoze britanike “The Guardian” e ka listuar Shqipërinë në vendin e dytë në botë për turizmin gjatë vitit 2013. “The Guardian” ka vlerësuar në këtë renditje çmimet e ulëta, rrënojat e qytetërimeve iliro- romake dhe bregdetin mjaft panoramik shqiptar.

Siç transmeton ATSH-ja për turistët që do të vizitojnë Shqipërinë përgjatë këtij viti, revista britanike tregon se në 380 milje të bregdetit shqiptar ata do të gjejnë plazhet e virgjëra që ofrojnë aventura të shumta, plazhe me rërë të bardhë, laguna, rezervate natyrore dhe brigje të shumta.

Në rrëfyesin për turizmin e këtij viti “The Guardian” nuk ka marrë në konsideratë shtetet, por destinacionet më të bukura. Në listën e 20 vendeve përfshihet Italia me shumë qendra atraktive për turistët. Greqia, Turqia, Spanja dhe Portugalia prezantohen me më shumë se dy atraksione turistike. Sipas metodologjisë që revista përdor, merren në konsideratë disa elementë që i bëjnë vendet e renditura si më të preferuarat. Kryesisht klasifikimi është bërë duke u nisur nga bukuria, moseksplorimi i mjaftueshëm dhe çmimet e ulëta. Pikërisht këto të dhëna e kanë renditur Shqipërinë me bregdetin e saj të dytin në botë që duhet frekuentuar për këtë vit.

Gjatë pesë viteve të fundit Shqipëria është përfshirë në radarët e hartës botërore të turizmit. Agjencitë prestigjioze të turizmit po e rekomandojnë atë gjithnjë e më shumë, ndërsa agjencitë turistike pohojnë se numri i vizitorëve nga Europa Perëndimore po rritet gjithnjë e më shumë.

Sipas statistikave të Ministrisë së Turizmit të Shqipërisë, më shumë se 1 milion vizitorë të huaj zgjodhën Shqipërinë për të kaluar pushimet vitin që shkoi. Dy vitet e fundit është shtuar ndjeshëm numri i vizitorëve të huaj në vendin tonë gjatë sezonit veror, por megjithatë, turizmi shqiptar vijon të dominohet nga ai kombëtar, ku gjysma e turistëve janë nga Kosova dhe Maqedonia. Të dhënat e operatorëve turistikë tregojnë se vizitorët kanë qëndruar më shumë në Durrës dhe Vlorë, që kanë edhe kapacitetet më të mëdha pritëse, ndërkohë që pjesa më e madhe e tyre kanë zgjedhur të kalojnë disa ditë në bregdetin vendas.

Gjatë vitit të kaluar, një numër i konsiderueshëm i turistëve u regjistrua në Velipojë dhe Shëngjin, falë përmirësimit të infrastrukturës dhe njësive akomoduese.
20 destinacionet që rekomandohen për verën e 2013-ës
1-Ishujt Santa Maria
2-Shqipëria -bregdeti Adriatik
3-Spanja -ishujt Kanarie
4-Bregdeti Oqeanik ne France
5-Venecia Itali
6-Shtëpitë e Plazhit në Sicili
7-Pulia Itali, “Calcebianca”
8-Itali, “Casale Villarena”
9-Greqi, “Ishujt e argjendtë”
10-Spanjë -Sardenja
11-Kanada- “Shtëpia rrëshqitëse”
12-Greqia- Korfuzi
13-Kenia, -“Shtëpia Forodhani”
14-Turqi, Antalia
15-Kroaci- Shtëpia Marlera
16-Turqi, Kopshti i Sulejmanit
17-Malta, Shtëpia Xaghra
18-Spanja, Hotel Valhalla Spa , Almeria
19-Portugali, bregdeti Vicentina
20-Portugali, “Shtëpia Na Areia”

Gjithashtu lexo

Vdes ish-kryeministri Bajram Rexhepi – (VIDEO)

Ish- kryeministri i Kosovës, Bajram Rexhepi ka ndërruar jetë pas një sëmundje për të cilën …

Leave a Reply

Your email address will not be published. Required fields are marked *