Home / Sport / Ibishi rikthehet, do ta riformatojë Shkëndijën

Ibishi rikthehet, do ta riformatojë Shkëndijën

Tentimet e njëpasnjëshme të Idriz Ibishit për ta rikthyer Shkëndijën në duart e tij më në fund kanë dhënë rezultatin e duhur.

Të hënën në mbrëmje Regjistri Qendror i Republikës së Maqedonisë ka vendosur në favor të tij, dhe ai më në fund rikthehet në zyrat e klubit.

Ibishi asnjëherë se kishte humbur shpresën, duke theksuar se e drejta ishte në anën e tij dhe gjithmonë ka qenë i bindur se do të triumfojë.

“Po, regjistri qendror ka vendosur në anën time. Do të kthehem tek Shkëndija, por për hollësi të tjera do t’ju njoftojë pak më vonë. Do të mundohem ta kthej Shkëndijën, aty ku e meriton të jetë, mirëpo do të më duhet kohë për ta drejtuar klubin në binarë të vërtetë. Kaq mund të them për momentin”, tha Idriz Ibishi për “Lajm”.

Në kohën e tij, Shkëndija fitoi titullin e kampionit në kampionatin e Maqedonisë, mirëpo më vonë lindën mosmarrëveshje me tashmë ish-kryetarin Nuriman Shaqiri, se cili nga ata dy do të sundojnë me ekipin tetovar.

Gjithashtu lexo

Tifozët shqiptarë nga Tetova pushtojnë rrugët e Milanos, çfarë po ndodh para ndeshjes? (VIDEO)

Grupimi i tifozëve të Shkëndijes, “Ballistët” që shquhen edhe si një nga tifozeritë më të …

Leave a Reply

Your email address will not be published. Required fields are marked *