Home / Lajme / Maqedoni / SHBA mund t’i heq vizat për qytetarët e Maqedonisë!

SHBA mund t’i heq vizat për qytetarët e Maqedonisë!

Shkup, 8 Shkurt – Në fund të muajit janar, presidenti i SHBA-ve, Barack Obama në një tubim në shtetin Nevada kishte theksuar se ai ka një plan për reformat ë cilat duhet të bëhen në sistemin e imigracionit.

Ai nuk ka dhënë më shumë detaje se si do të zhvillohet ky process, por ka lënë të kuptohet se reformat do të ndodhin.

Të njëjtën gjë para tij e kishin thënë edhe një grup i senatorëve amerikan që kanë shumë ndikim në partitë politike.

Pritjet e para janë që SHBA të ndryshojë mendimin dhe njëherësh të sjell vendim për imigrimin e qytetarëve të Ballkanit në SHBA, njofton “Zhurnal”.

Maqedonia pasi kishte marrë liberalizimin e vizave me BE-në, ku përveç rasteve të minimizuara nuk kishte probleme të natyrës së imigirimit, është një shembull i mirë ku mund edhe SHBA të bëjë liberalizimin e vizave.

Qytetarët dhe ekspertët shpresojnë se SHBA do t’i heq vizat për Maqedoninë dhe për shqiptarët në përgjithësi, duke theksuar se ky do të jetë një lehtësim i madh për qarkullimin e lirë të tyre.

“Ne duam t’i shohim SHBA-të, kemi familjarë atje që për çështje vizash rrallë ose aspak nuk jemi takuar me ata. Si popull mik i SHBA-ve dhe pas vendosjes së pasaportave biometrike mendoj se radhën e ka edhe SHBA që të na i heq vizat”, tha B.Gashi nga Shkupi.

Nëse vjen deri te liberalizimi i vizave kjo do të thotë se rregullat do të jenë gati të njëjta sikur për udhëtim në BE, ku viza do të vlejë më së shumti 90 ditë, kurse pas qëndrimit për 90 ditë në vendlindje sërish mund të udhëtohet drejt SHBA-ve.

Maqedonia ka një numër të madh të diasporës së saj që jeton në SHBA, kurse ata kanë shkuar kryesisht nga Prespa, Resnja, Struga, Ohri, Manastiri, Dibra dhe Kërçova edhe atë që nga viti 1880.

Gjithashtu lexo

Katër të lënduar në afër Gostivarit – (VIDEO)

Të shtunën mbrëma rreth orës 23 në autostradën Gostivar-Tetovë në afërsi të pikës së pagesës …

Leave a Reply

Your email address will not be published. Required fields are marked *