Home / Sport / Pelegrini mes kandidatëve për stolin e Çelsit

Pelegrini mes kandidatëve për stolin e Çelsit

Çelsi duket se ka filluar bisedimet me Manuel Pelegrinin, duke e përfshirë atë në listën e kandidatëve për të marrë drejtimin skuadrës londineze në fund të këtij sezoni, pas largimit të trajnerit të përkohshëm, Rafel Benitez. Sipas mediave spanjolle, përfaqësuesit e tij kanë kontaktuar me drejtuesit e londinezëve dhe bisedimet janë në një fazë të avancuar.

Trajneri 59 vjeçar është një nga më të vlerësuarit në skenën evropiane, pas asaj që ka bërë me Malagan, duke e drejtuar deri në çerekfinalet e Ligës së Kampioneve dhe duke qenë shumë afër një gjysmëfinaleje të bujshme, por të mos ishte për golin në pozicion jashtë loje që shënoi Borusia Dortmund në shtesën e ndeshjes.
Por menaxheri i tij, Hesus Martinez, ka zbuluar se për të marrë trajnerin nga Malaga, duhet paguar më parë klauzola e largimit të tij.
“Manuel ka një kontratë deri në qershorin e vitit 2014 dhe një klauzolë largimi prej 3.5 milion eurosh. Nëse kontaktojmë me Çelsin, Romën, apo Mançester Sitin nuk ka rëndësi, të gjithë duhet të jenë të ndërgjegjshëm për ekzistencën e një klauzole të tillë”, tha ai, duke iu referuar faktit se Malaga kërkon të zgjatë dhe të përmirësojë kontratën ekzistuese me trajnerin.
Ajo që favorizon largimin e Pelegrinit nga ekipi spanjoll është fakti se UEFA ka penalizuar klubin me mosluajtjen në Ligën e Kampioneve në sezonin ardhshëm për shkak të thyerjes së rregullores së Fair Play Financiar.

Gjithashtu lexo

Rrahje masive në Bit Pazar, tifozët e Vardarit shkatërrojnë gjithçka që u del para (FOTO)

Para pak çastesh ka ndodhur një sherr masiv në afërsi të tregut të Bit Pazarit. …

Leave a Reply

Your email address will not be published. Required fields are marked *