Home / Lajme / Maqedoni / Akreditohet Fakulteti i Mjekësisë në kuadër të USHT-së (VIDEO)

Akreditohet Fakulteti i Mjekësisë në kuadër të USHT-së (VIDEO)

Tetovë, 25 Shtator – Në procesin arsimoro-shkencor do të përfshijmë profesorë të njohur nga kjo sferë nga vendi dhe jashtë me qëllim të krijimit të mjekëve dhe kuadrit profesional më të mirë të cilët në të ardhmen do të jenë garanci për shërbime shëndetësore më cilësore për të mirën e qytetarëve në rajon dhe më gjerë”, tha Ameti.

Fakulteti për shkenca mjekësore në Universitetin Shtetëror të Tetovës e mori akreditimin final të komisionit përkatës në kuadër të Ministrisë së Arsimit të Maqedonisë, njoftoi sot rektori Vullnet Ameti me rastin e fillimit solemn të vitit akademik 2013/2014. Sipas rektorit Ameti, me këtë njëherë e përgjithmonë mbyllet çështja në lidhje me punën dhe aktivitetet arsimoro-shkencore të këtij fakulteti.

“Ne si kryesi e USHT-së e morëm përsipër që Fakultetin për shkenca mjekësore i cili tashmë u akreditua ta shndërrojmë në institucion me standarde evropiane dhe botërore ku në fokus do të jenë studentët në rrugën e formimit të mjekëve cilësorë dhe kuadrove profesionale në sferën e mjekësisë si nga aspekti teorik ashtu edhe ai praktik. Fakulteti shumë shpejtë do të disponojë me pajisjen më bashkëkohore me qëllim që mësimi të zhvillohet në kushte normale, do të hapim laboratorë të nevojshëm për të gjithë sektorët si për mjekësinë interne, paraklinike dhe klinike. Në procesin arsimoro-shkencor do të përfshijmë profesorë të njohur nga kjo sferë nga vendi dhe jashtë me qëllim të krijimit të mjekëve dhe kuadrit profesional më të mirë të cilët në të ardhmen do të jenë garanci për shërbime shëndetësore më cilësore për të mirën e qytetarëve në rajon dhe më gjerë”, tha Ameti.

Sipas dekanit të Fakultetit për shkenca mjekësore të USHT-së, doc. dr. Nasir Bexheti, ata kanë kapacitete kadrovike dhe hapësinore për edukimin e mjekëve nga fushat e mjekësisë, stomatologjisë dhe farmacisë.

Gjithashtu lexo

Katër të lënduar në afër Gostivarit – (VIDEO)

Të shtunën mbrëma rreth orës 23 në autostradën Gostivar-Tetovë në afërsi të pikës së pagesës …

Leave a Reply

Your email address will not be published. Required fields are marked *