Home / Sport / Messi në gjyq për evazion fiskal

Messi në gjyq për evazion fiskal

26-vjeçari argjentinas, katër herë fituesi i Topit të Artë, dhe babai i tij Jorge Messi akuzohen për mashtrim në deklarimin e të ardhurave me dëm rreth 4.3 milion euro. Ata dyshohet se kanë përdorur kompani në Belize dhe Uruguaji për t’i shpëtuar sistemit spanjoll të tatimit.

Lionel Messi doli para gjykatës për t’u mbrojtur ndaj akuzave të ngritura kundër tij për evazion fiskal.

26-vjeçari argjentinas, katër herë fituesi i Topit të Artë, dhe babai i tij Jorge Messi akuzohen për mashtrim në deklarimin e të ardhurave me dëm rreth 4.3 milion euro. Ata dyshohet se kanë përdorur kompani në Belize dhe Uruguaji për t’i shpëtuar sistemit spanjoll të tatimit.

Akuzat lidhen me deklarimin e të ardhurave nga 2007 deri në 2009. Si Messi ashtu edhe babai i tij i mohojnë këto akuza.

Messi dëshmoi rreth 15 minuta me dyer të mbyllura në një gjykatë në Barcelonë, rreth orës 11:00. Ai u largua nga gjykata me po të njëjtën buzëqeshje me të cilën hyri, pa harruar të përshëndeste edhe tifozët e shumtë që e mbështesnin.

Në gusht, pak pas plasjes së këtij skandali, Messi u pagoi 5 mln euro autoriteteve spanjolle, 4.3 milion të prapambetura që nga 2007-2009 plus interesat.

Megjithatë prokurorët vendosën ta ndjekin çështjen, ndërsa autoritetet tatimore në vend po tregohen strikte në detyrën e tyre që prej nisjes së krizës ekonomike në vend dhe nevojës së shtetit për të siguruara sa më shumë të ardhura nga sistemi tatimor.

Paga neto e Messi-t tek Barcelona përllogaritet në rreth 16 milion euro duke e bërë atë njërin prej sportistëve më të paguar në planet. Përvec kësaj, asi argjentinas ka nënshkruar edhe një kontratë shumë-milionëshe me kompani të ndryshme për marketing.

Akuzat ndaj sulmuesit argjentinas dëmtojnë imazhin e tij. Prej vitesh tashmë ai ka mundur të ruajë një profil të ulët në krahasim me futbollistë të tjerë të mëdhenj.

Gjithashtu lexo

Shikoni çfarë ka bërë Barcelona pas sulmit terrorist (FOTO)

Klubi i Barcelonës ka reaguar pas sulmit terrorist në Barcelonë. Katalunasit e kanë bërë një …

Leave a Reply

Your email address will not be published. Required fields are marked *