Home / Lajme / Maqedoni / Dogana, konfiskohen 5.5 kg heroinë

Dogana, konfiskohen 5.5 kg heroinë

09 Tetor – Pesë kilogram e gjysmë heroinë u kapën në vendkalimin kufitar Tabanoc, në dalje të Maqedonisë, në veturën e një shtetasi shqiptar. Heroina u gjet në sistemin e ajrimit dhe jastëkun mbrojtës të veturës.

Ngjarja ka ndodhur në orën 6:30 të pasdites së djeshme, pas një kontrolli të detajuar. Doganierët thonë se kishin pasur dyshime që në fillim, për shkak se vetura kishte pasur sistemin e prishur të ajrosjes, mashtrim ky i përdor shpesh nga trafikantët teksa kalojnë kontrollin doganor.

“Është konstatuar se kanalet e ajrores dhe hapësira tek jastëku mbrojtës ishin modifikuar. Kjo menjëherë ngriti dyshimin për diçka të fshehur. Pas ndezjes së ventilimit u vërejt se në anën e majtë dilte pak ajër. Në hapësirën e jastëkut mbrojtës, që edhe më herët ka qenë përshtatur për fshehje sendesh, u gjetën 11 paketa të mbështjella me ngjitës, që të gjitha përbënin 5.5 kilogramë. Pas testimit me pajisje për zbulim droge, u vërtetua se bëhet fjala për heroinë” , tha Vanço Kargov, drejtor i Doganave.

Sipas deklaratave të dy personave që udhëtonin në makinë, lënda narkotike ishte planifikuar të përfundonte në Beograd. Sipas analizave të policisë, e njëjta veturë ka qenë përdorur më shumë se dy here për bartje droge. Nga doganat thonë se heroina është e cilësisë së lartë, dhe vlera e saj në tregun me shumicë mund të shkonte në 180 000 euro, kurse me pakicë, deri në 300 000 euro. Ndaj personave të kapur është ngritur padi penale.

Gjithashtu lexo

Përfaqësimi në ARM, reagon Lëvizja Besa – (FOTO & VIDEO)

Lëvizja BESA reagon ndaj deklarimeve të zëvendës ministrit të Mbrojtjes, Bekim Maksuti i cili shprehu …

Leave a Reply

Your email address will not be published. Required fields are marked *