Home / Lajme / Maqedoni / Zero përfaqësim në burgun e Kumanovës, Bexheti premton përmirësim

Zero përfaqësim në burgun e Kumanovës, Bexheti premton përmirësim

01 Tetor – Në burgun e ri të Kumanovës, të lëshuar dje në mënyrë solemne, jo vetëm që nuk është i respektuar parimi i përfaqësimit të drejtë dhe adekuat mes të punësuarve, por numri i shqiptarëve është zero. Këtë e pranoi edhe vet Ministri i Drejtësisë Blerim Bexheti, nën kompetencë të së cilit janë burgjet e Maqedonisë.

“Përfaqësimi thuajse nuk ekziston, por gjithsesi shfrytëzoj rastin që të informoj opinion se do të ndërmirren të gjitha aktivitetet që të përmirësohet përfaqësimi në Burgun e Kumanovës duke filluar prej zv/drejtorit, pasi pritet të emërohet zv/drejtori i burgut, dhe të punësuarit të tjerë që të respektohet ky parim, gjegjësisht ky obligim kushtetues që e ka emrin përfaqësimi i drejtë dhe adekuat”, tha Blerim Bexheti, Ministër i Drejtësisë.

Jo vetëm në Kumanovë, por në shumicën e burgjeve të Maqedonisë vërehet përfaqësim i ulët i shqiptarëve. Sipas Raportit të Avokatit të Popullit për vitin 2012, vetëm në Burgun e Tetovës ka mbi 50% të punësuar shqiptarë. Në burgun e Idrizovës ka vetëm 33 shqiptarë nga 257 të punësuar, ose 12,8%. Në Burgun e Shutkës vetëm 19 shqiptarë nga 122 të punësuar, ose rreth 15%, Në Ohër vetëm 3 shqiptarë apo rreth 8% nga të punësuarit gjithsej, dhe në Manastir 4 të punësuar shqiptarë, ose 7,7%. Në 5 burgjet e tjera në Maqedoninë Lindore nuk ka asnjë të punësuar shqiptarë. Gjithsej në burgjet e Maqedonisë janë të punësuar vetëm 12,7% shqiptarë, kundrejt 84,7% të punësuarve maqedonas, që është shumë larg parimit për përfaqësimin e drejtë dhe adekuat të bashkësive etnike, parim ky i garantuar me Kushtetutë.

Gjithashtu lexo

Vetëndizet vetura e mërgimtarit – (VIDEO)

Të shtunën mbrëma në dalje të fshati Zherovjan për në fshatin Radiovcë, është vetë-ndezur në …

Leave a Reply

Your email address will not be published. Required fields are marked *