Home / Sport / Roma “pushtohet” nga shiu, Juve-Inter 3-1

Roma “pushtohet” nga shiu, Juve-Inter 3-1

“Nuk mund të vë në diskutim titullin kampion në një pishinë”, është shprehur De Sanctis. “Nuk mund të luhet, është e pamundur të luash”, kanë qenë fjalët e trajnerit Rudi Garcia, në ato pak minuta (jo)-loje në “Olimpico” të Romës.

Roma-Parma, nën ndikimin e reshjeve të dendura të shiut nuk duhej as të fillonte, por ende nuk kuptohet se përse arbitri De Marco e nisi takimin me 3 minuta vonesë. Më pas, pas 6 minutash erdhi pezullimi dhe më 15:25 erdhi erdhe vërshëllima e fundit e braktisjes së ndeshjes.

Takimi mund të riluhet më 12 ose 20 Mars, edhe pse data e parë e mundshme ishte e mërkura e 19 Shkurtit. Por, edhe dy alternativat e muajit të tretë të vitit janë në varësi të qëndrimit ose jo të Lazio-s në Europa League. Vendimi do të jepet ditën e hënë, në përfundim të mbledhjes së Ligës së Serisë A, në Milano.

Supersfida e kësaj jave, apo siç njihet ndryshe derbi i Italisë, që diskutohet mes Juventus dhe Inter, ka përfunduar me fitoren 3-1 të bardhezinjve në “Juventus Stadium”, teksa zikaltrit tregojnë edhe njëherë se nuk po mundin të dalin nga kriza e thellë e rezultateve, ku kanë hyrë prej disa javësh tashmë, apo që pas fitores në derbi.

Në takimet e tjera të kësaj jave në Serie A, Napoli ka pësuar një humbje shokuese në transfertën e Atalantës, ku bergamaskët kanë fituar me rezultatin e thellë 3-0. Në fushë është parë ndoshta Napoli më i dobët i këtij sezoni, teksa në pjesën e parë asgjë nuk ndryshoi, në një takim pa raste dhe me pak emocione. Në të dytën, Atalanta “shpërthen” duke shënuar 3 gola, e duke shokuar napolitanët, që nuk mundën të shënonin as golin e “nderit”.

Ndërkohë, Lazio e Verona kanë arritur fitore në transferta, respektivisht 2-0 ndaj Chievo-s dhe 2-1 ndaj Sassuolo-s, kurse takimi mes Catania-s dhe Livorno-s ka përfunduar në barazim 3-3. Ditën e shtunë, Milan nuk shkoi më shumë se barazimi 1-1 me Torinon, në “San Siro”, kurse Fiorentina u mposht nga Cagliari 1-0. Të hënën mbyllet java e 22 me derbin xhenovez, mes Sampdoria-s dhe Genoa-s.

Gjithashtu lexo

City: 300 mln euro për Messi-n – (VIDEO)

Klubi anglez, Mançester Sity është i gatshëm të bëjë çmendurinë e radhës në tregun e …

Leave a Reply

Your email address will not be published. Required fields are marked *