Home / Lajme / Maqedoni / Xhozef: Çështja e emrit është problem serioz

Xhozef: Çështja e emrit është problem serioz

4 shkurt-Zëvendës-kryeministri grek dhe ministër i Punëve të Jashtme, Evangellos Venizellos, ndërkaq, këto ditë potencoi se pranimi i Maqedonisë në NATO dhe në BE do të ndodhë vetëm kur vendi do t’i plotësojë kriteret e përgjithshme politike të Kopenhagës, mes të cilave edhe marrëdhëniet e fqinjësisë së mirë.

Analisti amerikan, Eduard Xhozef, i cili tani punon në Qendrën për marrëdhënie transatlantike në Universitetin Xhon Hopkins, nuk mendon se ardhja e Greqisë në krye të BE-së do të ketë ndikim të madh, si ndaj Maqedonisë, ashtu edhe ndaj çështjes së emrit, të cilën e konsideron si problem mjaft serioz.

“Para së gjithash, ai është problem serioz për sigurinë dhe stabilitetin. Krijon presion të vërtetë dhe është burim i pengesës më të madhe për përparimin në Maqedoni. Vendi nuk mund të përparojë në BE dhe në NATO, siç e meriton. Së dyti, bëhet fjalë për shkelje të frymës së NATO-s dhe BE-së – vendi-anëtar i eksploaton rregullat e konsensusit për ta penguar përparimin e një aspiranteje, si Maqedonia. Kjo është shkelje e frymës së rregullave, por u dërgon edhe porosi mjaft negative aspiranteve të tjera se puna mund të montohet. Përfundimisht, bëhet fjalë për shkelje të marrëveshjes ndërkombëtare ndërmjet Maqedonisë dhe Greqisë, siç e konfirmoi atë Gjykata ndërkombëtare e drejtësisë”, theksoi Xhozef në intervistën për Zërin e Amerikës në gjuhën maqedonase.

Zëvendës-kryeministri grek dhe ministër i Punëve të Jashtme, Evangellos Venizellos, ndërkaq, këto ditë potencoi se pranimi i Maqedonisë në NATO dhe në BE do të ndodhë vetëm kur vendi do t’i plotësojë kriteret e përgjithshme politike të Kopenhagës, mes të cilave edhe marrëdhëniet e fqinjësisë së mirë.

Për atë nëse Samiti i ardhshëm i NATO-s në shtator do të mund të sjellë diçka të re, për dallim të mëparshmëve, Xhozef me qëndrim se ai është vendi i vërtetë për t’u zgjidhur kontesti për emrin.

Xhozef, i cili është kryetar i mëparshëm i Grupit ndërkombëtar të krizës, komenton se edhe pse pritet që në Samitin e NATO-s, theksi kryesor të jetë mbi çështjet si Afganistani, marrëdhëniet me Rusinë dhe trazirat në Ukrainë, megjithatë ka hapësirë për kthim drejt ngjarjeve në Ballkan. (INA)

Gjithashtu lexo

Tym, zjarr e mbeturina në komunat shqiptare, politikanët bëhen gati për fushatë,rinia pa shpresa

Partitë shqiptare në Maqedoni kanë filluar përgatitjen për fushatën e zgjedhjeve lokale të cilat pritet …

Leave a Reply

Your email address will not be published. Required fields are marked *