Home / Lajme / Rajon / Vërshime në Prishtinë dhe Llap

Vërshime në Prishtinë dhe Llap

19 prill-Në këto fshatra, për të vlerësuar situatën, në mëngjesin e sotëm, kanë dalë Drejtori i Shërbimeve Publike, Ardian Gashi, ai i Inspeksionit, Xhelal Sveçla, si dhe drejtori i Infrastrukturës Lokale, Hysen Durmishi, së bashku me ekipet e tyre.

Reshjet e shiut gjatë ditëve të fundit kanë shkaktuar vërshime në disa nga fshatrat e komunës së Prishtinës dhe Podujevës.

Bëhet e ditur se në fshatrat Llukar, Makoc, Mramor, Bërnicë, Keqekollë dhe Prugoc, ka probleme me vërshimet.

Në këto fshatra, për të vlerësuar situatën, në mëngjesin e sotëm, kanë dalë Drejtori i Shërbimeve Publike, Ardian Gashi, ai i Inspeksionit, Xhelal Sveçla, si dhe drejtori i Infrastrukturës Lokale, Hysen Durmishi, së bashku me ekipet e tyre.

Faik Muqiqi, drejtor i Shërbimeve Publike në komunën e Podujevës, ka thënë për Kosovapress se ka pasur vërshime në disa fshatra të kësaj komune.

“Në fshatin Metohi ka vërshime, fshatin Rec, fshatin Sfeqel, fshatin Dumnicë, në Bellopojë, në dy lagjet Maloku prej Drini. Ndërsa në fshatin Llapashticë e Poshtme ka më pak vërshime, por në vendet tjera niveli i ujit është duke u ngritur”, ka thënë Muqiqi.

Sipas tij, në lumin Dumnica dhe lumin që vjen nga Batllava dhe Bellopoja, është duke u ngritur niveli i ujit përreth.

Ai theksoi se, që nga mëngjesi ekipet e shpëtimit janë në terren, por në disa vende nuk kanë mundur të intervenojnë.

Gjithashtu lexo

Bashkimi emocional pas 3 vjetësh, i fëmijës së rrëmbyer nga ISIS, me familjen e tij (Video)

Një djalë 12-vjeçar jazidi është bashkuar me nënën e tij në Kanada tre vjet pasi …

Leave a Reply

Your email address will not be published. Required fields are marked *