Home / Lajme / Maqedoni / 13 vjet nga Marrëveshja e Ohrit, përfaqësimi i shqiptarëve ende larg

13 vjet nga Marrëveshja e Ohrit, përfaqësimi i shqiptarëve ende larg

6 gusht-Që nga viti 2007, kur Avokati i Popullit ka filluar të përpunojë raporte rreth përfaqësimit të drejtë dhe adekuat, numri i shqiptarëve në institucione është rritur për 13 mijë të punësuar, ose vetëm rreth 7 %. Nga ana tjetër, edhe pse përqindja e të punësuarve maqedonas në konkurset e viteve të fundit ka qenë në ulje, numri i përgjithshëm i tyre vazhdon të rritet në vazhdueshmëri

13 vjet nga firmosja e Marrëveshjes së Ohrit, një ndër shtyllat e saj, parimi i përfaqësimit të drejtë dhe adekuat, i mbetet ende larg normës së garantuar nga kjo Marrëveshje dhe Kushtetuta. Duke iu referuar vitit 2013, përqindja e shqiptarëve në institucionet shtetërore është 18,1%, ndërsa dinamika e rritjes për të përmbushur shifrat, ngadalësohet çdo vit.

Që nga viti 2007, kur Avokati i Popullit ka filluar të përpunojë raporte rreth përfaqësimit të drejtë dhe adekuat, numri i shqiptarëve në institucione është rritur për 13 mijë të punësuar, ose vetëm rreth 7 %. Nga ana tjetër, edhe pse përqindja e të punësuarve maqedonas në konkurset e viteve të fundit ka qenë në ulje, numri i përgjithshëm i tyre vazhdon të rritet në vazhdueshmëri. Mbi 32 mijë nëpunës maqedonas janë shtuar në administratën shtetërore që prej vitit 2007. Madje për herë të parë pas 7 vitesh, në vitin 2013 është shënuar rritje edhe e përqindjes së të punësuarve maqedonas. Përqindja e tyre vazhdon të jetë mbi 75%, edhe pse duhet të ulet në 65%.

Edhe më tej, qindra institucione nuk kanë asnjë shqiptarë, ndërsa në institucione kyçe, si gjykatat, prokuroritë publike, Ministrinë e Brendshme, të Jashtme, të Mbrojtjes dhe Financave, përqindja e shqiptarëve mbetet tejet e ulët, madje edhe nën mesataren e përgjithshme. Nëse vazhdon tendenca e viteve të fundit, është e qartë se diskriminimi dhe mos respektimi i parimit kushtetues për përfaqësim të drejtë do të vazhdojë edhe për shumë vite të tjera.

Faktori shqiptar në Qeveri, nga ana tjetër, edhe më tej nuk po gjen një mekanizëm që t’i sanksiononte institucionet për mos respektimin e këtij parimi, edhe pse prej 3 mandatesh në qeveri, paralajmërohet krijimi i një mekanizmi ligjor që do t’i obligojë të gjitha institucionet që 25% nga numri i të punësuarve t’i kenë shqiptarë.Alsat

Gjithashtu lexo

Stejt Departamenti: Qeverisja e VMRO-së ka nxitur diskriminim fetar në Maqedoni

Grupet religjioze në Maqedoni vlerësojnë se ish-Qeveria e VMRO-DPMNE-së e ka favorizuar Kishën Ortodokse – …

Leave a Reply

Your email address will not be published. Required fields are marked *