Home / Lajme / Rajon / Brovina: Po shkojmë drejt zgjedhjeve

Brovina: Po shkojmë drejt zgjedhjeve

Prishtinë, 08 Shtator – Kryesuesja e seancës konstituive të Kuvendit të Kosovës, Flora Brovina, ka shprehur rezerva për vazhdimin e seancës konstituive.

Ajo ka thënë se vendi po shkon drejt zgjedhjeve të reja, duke shtuar se ka mundësi që thirrja për zgjedhje të reja të ndodhë ende pa u vazhduar seanca konstituive.

“Nuk jam optimiste se seanca nuk do të marrë kahjen që e kishte në seancën e parë, dhe kjo më shkakton një brengë të madhe. Tanimë rruga është e hapur për zgjedhje të reja. Ka shumë mundësi për t’u thirrë edhe tani para se të fillojë vazhdimi i seancës, të thirret për zgjedhje të reja,” ka thënë Brovina.

Brovina ka nxjerrë këtë konkluzion pasi që konsideron se deputetët e kanë shkelur betimin e tyre, në momentin që e kanë zgjedhur për kryetar Isa Mustafën, zgjedhje kjo që sipas saj nuk ka qenë kushtetuese. Ajo mendimin e saj e mbështetë edhe në vendimin e Gjykatës Kushtetuese.

Në një intervistë për Radion Evropa e Lirë, ajo një pjesë të madhe të fajit për situatën politike në vend ua ka lënë mediave dhe analistëve të cilët sipas saj nuk kanë bërë analiza dhe informim të mirëfilltë, dhe që sipas saj kanë shkaktuar dilema në opinion. /Gazeta Express/

Gjithashtu lexo

“Balena Blu” shënon një tjetër viktimë, adoleshenti vret veten me qese plastike

Loja “Balena Blu” vazhdon që t’i marrë jetën adoleshentëve. Një 14 vjeçar indian dyshohet se …

Leave a Reply

Your email address will not be published. Required fields are marked *