Home / Lajme / Rajon / Prishtinë, kompromise në prioritetet PDK – LDK

Prishtinë, kompromise në prioritetet PDK – LDK

25 nëntor-Po ashtu, LDK kishte premtuar reduktimin e numrit të ministrive për të kursyer buxhetin.Por, lidhja e saj me PDK-në mund të shkaktojë efekt të kundërt, duke shtuar numrin e ministrive dhe duke e dëmtuar edhe më shumë buxhetin për t’i rehatuar apetitet partiake.

Koalicioni i dy subjekteve më të mëdha politike në Kosovë, PDK dhe LDK, do t’i shtyjë të dyja partitë që të bëjnë lëshime të shumta në raport me premtimet dhe prioritetet kryesore që u kishin premtuar votuesve.
PDK do të reduktojë dukshëm “Misionin e Ri” me gjithë premtimet bombastike duke ulur nivelin e premtimeve për numrin e vendeve të reja të punës dhe rritjen e pagave.
Kurse LDK fillimisht do të heqë dorë nga premtimet populiste siç ishin ndryshimi i himnit dhe flamurit të Kosovës dhe zëvendësimi i tyre me flamurin e ish presidentit Ibrahim Rugova dhe himnin “Kur ka ra kushtrimi n’Kosovë”.

Po ashtu, LDK kishte premtuar reduktimin e numrit të ministrive për të kursyer buxhetin.
Por, lidhja e saj me PDK-në mund të shkaktojë efekt të kundërt, duke shtuar numrin e ministrive dhe duke e dëmtuar edhe më shumë buxhetin për t’i rehatuar apetitet partiake.

Qeveria Thaçi ‘2’ ishte kritikuar në shumë raste nga ish lideri opozitar, Isa Mustafa për shpenzime të panevojshme për shkak të numrit të madh të ministrive. Por, njoftimet e para flasin se Qeveria e re, mund të ketë edhe një apo dy ministri më tepër, pasi që përmes tyre do të plotësohen kërkesat e PDK-së, LDK-së, Listës Serbe dhe komuniteteve tjera pakicë. /Tribuna/

Gjithashtu lexo

Bashkimi emocional pas 3 vjetësh, i fëmijës së rrëmbyer nga ISIS, me familjen e tij (Video)

Një djalë 12-vjeçar jazidi është bashkuar me nënën e tij në Kanada tre vjet pasi …

Leave a Reply

Your email address will not be published. Required fields are marked *