Home / Lajme / Botë / Arrestohet “mbreti” shqiptar i kokainës në Europë, 100 milionë euro xhiro në vit

Arrestohet “mbreti” shqiptar i kokainës në Europë, 100 milionë euro xhiro në vit

20 Dhjetor -Sipas mediave italiane Bledar Pajana, 38 vjeç blinte drogën në Amerikën Jugore më pas me anije apo avionë e transportonte nga Madrid e Lizbonë drejt Italisë

Një shqiptar i akuzuar si një prej narkotrafikantëve më të rëndësishëm të tregut europian të kokainës me një xhiro vjetore prej 100 milionë eurosh është arrestuar në aeroportin e Hollandës, Eindovhen.

Sipas mediave italiane Bledar Pajana, 38 vjeç blinte drogën në Amerikën Jugore më pas me anije apo avionë e transportonte nga Madrid e Lizbonë drejt Italisë

Mediat italiane shkruajnë se Pajana drejtonte një organizatë e cila arrinte të dërgonte në Itali rreth 200 kg kokainë në muaj, gati 2 ton e gjysëm drogë çdo vit. Nga shitja e kësaj lënde narkotike xhiroja vjetore shkonte në 100 milionë euro në vit.

Pajana kishte ngritur bazën logjistike në Brescia, ku çdo muaj arrinte të sillte rreth 200 kg kokainë, dhe më pas droga shpërndahej nëpër Itali me korrierë. Bledar Pajana ndodhej në Hollandë që prej tetorit të kaluar kur në Itali u ndaluan dy korrierë të tij të cilët po transportonin 20 kile drogë. Që prej atij momentit Pajani fshihej mes Hollandës dhe Belgjikës.

Pajana i cili përdorte tre emra të ndryshëm, u ndalua pranë aeroportit të Eindovhen teksa po shoqëronte një mik.

Arrestimi i Bledar Pajanit i cilësuar dhe si “Messi shqiptar” ndodhi falë bashkëpunimit mes Guardia di Financa e Brescia dhe policisë hollandeze.Në pritje të ekstradimit në Itali trafikanti ai ndodhet i arrestuar në burg.

Ato që e tradhëtuan ishte jeta e bukur: Shpenzimet e çmendura, gratë dhe kazinotë. E quanin “Messi i Shqipërisë” ndoshta për aftësitë e tij të luante futboll ose ndoshta për aftësitë e tij për t’i shmangur policisë.

Gjithashtu lexo

Ishulli i Fazanëve që ndan dy shtete: Këtë vend të vogël e administron gjatë muaj Spanja dhe gjashtë tjerë Franca (Video)

Në provincën Baske, mes qytetit verior spanjoll Irun dhe atij jugperëndimor në Francë, Henda, rrjedh …

Leave a Reply

Your email address will not be published. Required fields are marked *