Home / Lajme / Maqedoni / Edhe 6.5 vjet burg për Fejzi Azirin

Edhe 6.5 vjet burg për Fejzi Azirin

14 janar-Ndërkaq, kontrollimi i fermës rezultoi me gjetjen e pesë automatikëve, për të cilët u akuzua pikërisht Fejzi Aziri. Ai ndërkohë, bashkë me të dënuarit e tjerë në rastin Monstra, mbetet në pritje edhe të vendimit të Gjykatës së Apelit lidhur me ankesën e parashtruar kundër dënimeve me burgim të përjetshëm.

Fejzi Aziri duhet të vuaj edhe gjashtë vjet e gjysmë heqje lirie nën akuzën e armëmbajtjes pa leje dhe trafikimit të armëve. Me këto fjalë gjykatësja e rastit mbylli gjykimin kundër tij të mërkurën, duke e shpallur atë fajtor për incidentin e vitit 2009 që ndodhi në Belimbegovë. “Në mbështetje të nenit 396, paragrafi 2 i Kodit Penal, lidhur me paragrafin një të këtij neni dhe pas shqyrtimit të provave të rastit, ky trup gjykues morri aktgjykimin me të cilin shpalli fajtor Fejzi Azirin, i cili për kryerjen e veprës penale armëmbajtje pa leje dhe trafik armësh dënohet me gjashtë vjet e gjashtë muaj heqje lirie. Fejzi Azirit është vendosur t’i konfiskohen edhe armët që janë kapur pas incidentit. Ai gjithashtu duhet të paguajë edhe shpenzimet e procesit gjyqësor”, tha gjykatësja e rastit, duke mbyllur gjykimin disamuajsh për incidentin e ndodhur në vitin 2009. Në dy gjykimet e mëparshme të të njëjtës lëndë ai ishte liruar nga akuza, ndërsa prokuroria ishte ankuar. Sipas të dhënave policore lidhur me incidentin e 2009-ës në Belimbegovë, në vendin e ngjarjes u gjetën rreth 50 gëzhoja automatiku. Sipas hetuesisë në rastin konkret me breshëri armësh u qëlluan tre traktoristë që lëronin arat afër fermës në Belimbegovë. Ndërkaq, kontrollimi i fermës rezultoi me gjetjen e pesë automatikëve, për të cilët u akuzua pikërisht Fejzi Aziri. Ai ndërkohë, bashkë me të dënuarit e tjerë në rastin Monstra, mbetet në pritje edhe të vendimit të Gjykatës së Apelit lidhur me ankesën e parashtruar kundër dënimeve me burgim të përjetshëm.

Gjithashtu lexo

A do ta hanë vallë shqiptarët edhe kësaj radhe sapunin për djathë?

Shpëtim Pollozhani për  gazetën Lajm është deklaruar për organizimin e zgjedhjeve lokale, që priten të …

Leave a Reply

Your email address will not be published. Required fields are marked *