Home / Lajme / Maqedoni / Rasti ‘Puç’: Reagon BDI

Rasti ‘Puç’: Reagon BDI

Tetovë, 02 shkurt – Autoritetet shtetërore, përfshirë edhe ato të prokurorisë dhe gjyqësorit, duhet ta trajtojnë këtë rast me integritet dhe transparencë të plotë dhe me respekt për presumimin e pafajësisë së të përfshirëve.

Bashkimi Demokratik për Integrim me vëmendje të theksuar po ndjek zhvillimet në lidhje me akuzat për përpjekje për rrënim të rendit kushtetues të vendit dhe spiunazhë ndaj katër personave, përfshirë edhe liderin e opozitës z. Zoran Zaev, transmeton Televizioni Koha.

Bashkimi Demokratik për Integrim në vazhdimësi ka adresuar urgjencën e rritjes së integritetit dhe pavarësisë së gjyqësorit dhe prokurorisë si dhe zhvillimit transparent dhe të paanshëm të proceseve gjyqësore, në veçanti ato që i referohen marrëdhënieve ndëretnike, ndërfetare dhe politike, njofton Televizioni Koha.

Autoritetet shtetërore, përfshirë edhe ato të prokurorisë dhe gjyqësorit, duhet ta trajtojnë këtë rast me integritet dhe transparencë të plotë dhe me respekt për presumimin e pafajësisë së të përfshirëve.

Njëkohësisht konsiderojmë që këto standarde duhet të aplikohen në punën e përditshme të institucioneve shtetërore dhe në veçanti në rastet që cënojnë marrëdhëniet midis dy komuniteteve më të mëdha, transmeton Televizioni Koha.

Në këtë vit jashtëzakonisht të rëndësishëm për vendin tonë, BDI fton të gjitha partitë politike, por edhe kontribuesit e tjerë shoqëror, që të demonstrojnë përgjegjësi të plotë për demokracinë, marrëdhëniet ndëretnike dhe proceset integruese, ndërsa, duke patur parasysh brishtësinë e procesit demokratik në vend, konsiderojmë që edhe komuniteti ndërkombëtar duhet të përfshihet me përkushtim të theksuar në ndërtimin e standardeve të qëndrueshme demokratike. /Tv Koha/

Gjithashtu lexo

Përfaqësimi në ARM, reagon Lëvizja Besa – (FOTO & VIDEO)

Lëvizja BESA reagon ndaj deklarimeve të zëvendës ministrit të Mbrojtjes, Bekim Maksuti i cili shprehu …

Leave a Reply

Your email address will not be published. Required fields are marked *