Home / Lajme / Maqedoni / Kotevski: Sulmi mbi policinë është akt terrorist nga UÇK-ja

Kotevski: Sulmi mbi policinë është akt terrorist nga UÇK-ja

Kumanovë, 21 Prill – Mbrëmë rreth orës 2.30, një grupë prej 40 personave e kanë sulmuar stacionin policor në Goshincë të Likovës. Ata kanë qenë rëndë të armatosur, të maskuar me uniformë që kanë mbajtur emblemën e UÇK-së dhe kanë folur shqip.

Institucionet e shtetit mbrëmë kanë qenë të sulmuara nga grupe terroriste. Mbrëmë rreth orës 2.30, një grupë prej 40 personave e kanë sulmuar stacionin policor në Goshincë të Likovës. Ata kanë qenë rëndë të armatosur, të maskuar me uniformë që kanë mbajtur emblemën e UÇK-së dhe kanë folur shqip, tha sot ndihmës-ministri për marrëdhënie me opinionin, Ivo Kotevski sot për incidentin në këtë fshat, në konferencë për media.

“Katër policë që kanë qenë në ndrim të natës i kanë robëruar. Sulmuesit i kanë çarmatosur ata dhe i kanë lidhur me lidhëse ndërsa njërin nga policët e kanë rrahur. Të gjithë këtë e kanë incizuar me kamerë. Njëri nga sulmuesit, i cili ka folur keq maqedonisht duke pasur serbizma në gjuhë u ka thënë se ata janë nga UÇK-ja dhe se dëshirojnë të ndërtojnë shtet të vetin dhe se as Marrëveshja e Ohrit, as Gruevski e as Ali Ahmeti nuk do ti shpëtojë ata. Ju kanë thënë policëve të largohen, nëse kthehen do ti likuidojnë. Jua kanë marr pajisjet, armët, radiostacionet dhe celularët dhe më pas i kanë thyer. Njëri nga policët i ka liruar nga prangat policët dhe janë larguar në këmbë. Derisa janë larguar kanë dëgjuar gjuajtje. MPB po ndërmerr masa për zbardhjen e gjendjes, ndërsa për shkak të situatës serioze nuk ka më shumë detaje”, deklaroi Kotevski.

Çuditërisht ai nuk kishte informacion të përgjigjej nëse stacioni i policisë është në duart e strukturave të Policisë së brendshme apo jo?

Gjithashtu lexo

Përfaqësimi në ARM, reagon Lëvizja Besa – (FOTO & VIDEO)

Lëvizja BESA reagon ndaj deklarimeve të zëvendës ministrit të Mbrojtjes, Bekim Maksuti i cili shprehu …

Leave a Reply

Your email address will not be published. Required fields are marked *