Home / Lajme / Rajon / Gjykata në Slloveni vendos sot për Haradinajn

Gjykata në Slloveni vendos sot për Haradinajn

18 qershor-Qeveria e Kosovës në reagimin e saj konsideron se nuk ka asnjë arsye që Haradinaj të përballet me situata të tilla dhe apeloi te autoritetet sllovene që sa më parë të mundësojnë që Haradinaj të kthehet në Kosovë.

Gjykata e Krajnit në Lubjanë pritet të marrë sot një vendim për Ramush Haradinajn, që edhe pse u lirua, pasaporta e tij mbahet e bllokuar nga autoritetet sllovene.

Ky zhvillim ka tensionuar marrëdhëniet mes dy vendeve. Ambasadori i Kosovës në Slloveni, Nexhmi Rexhepi ka thënë se ndalimi i Haradinajt mund t’i dëmtojë këto marrëdhënie.

“Ne besojmë se autoritetet në Slloveni nuk do të bëjnë veprime të tilla që cenojnë raportet tona. Mbi bazën e fletarresteve politike nuk mund të merren veprime të tilla të pakuptimta”, ka thënë Rexhepi.

Ndërkohë, ambasadori i Sllovenisë në Kosovë, Miljan Majhen, ka theksuar se ndalimi i Haradinajt nuk është politik, por është në bazë të fletarrestit ndërkombëtar.

“Është vështirë të paragjykohet nëse cenohen marrëdhëniet në mes të dy vendeve. Duhet të shihet rrjedha e ngjarjeve për të parë se sa do të ndikojë ky rast në relacionet mes Sllovenisë dhe Kosovës”, ka thënë diplomati slloven në Kosovë, Miljan Majhen.

Ndërsa ministri i Punëve të Jashtme i Sllovenisë, Karl Erjavec ka thënë që pret nga organet sllovene të gjendet arsyeja e ndalimit të ish-kryeministrit të Kosovës Ramush Haradinaj, dhe ky rast të zgjidhet sa më shpejtë.

Qeveria e Kosovës në reagimin e saj konsideron se nuk ka asnjë arsye që Haradinaj të përballet me situata të tilla dhe apeloi te autoritetet sllovene që sa më parë të mundësojnë që Haradinaj të kthehet në Kosovë.

Edhe Ministrja e Dialogut, Edita Tahiri ka shprehur në Bruksel protestën e saj duke theksuar se kjo ngjarje nuk do të kontribuojë në frymën e normalizimit të marrëdhënieve midis dy shteteve dhe qëllimit te dialogut të Brukselit.

Ramush Haradinaj konfirmoi dje ndalimin dhe e konsideroi absurd vendimin e autoriteteve sllovene.

Gjithashtu lexo

Emigranti shqiptar gjen portofolin me dollarë në New York dhe ia dorëzon të zonjës

Një emigrant nga Dibra e Madhe, i cili jeton në Staten Island, Nju Jork, ka …

Leave a Reply

Your email address will not be published. Required fields are marked *