Home / Lajme / Botë / Davutoglu: Turqia do të punojë për uljen e tensioneve me Rusinë

Davutoglu: Turqia do të punojë për uljen e tensioneve me Rusinë

Kryeministri turk Ahmet Davutoglu ka thënë se Ankaraja do të punojë me Rusinë dhe aleatët e Turqisë për të ulur tensionin në lidhje me çështjen e rrëzimit të avionit rus nga ana e vendit të tij.

Duke shkruar për gazetën “Times”, Davutoglu nënvizoi se lufta ndaj ISIS-it është prioriteti kryesor, por tha gjithashtu se Turqia ka për detyrë të mbrojë sovranitetin e saj territorial.

“Rrëzimi i një mjeti të paidentifikuar në hapësirën ajrore turke nuk ishte dhe nuk është një akt kundër një vendi të caktuar. Turqia veproi sipas rregullave dhe masat që kemi për mbrojtjen e hapësirës sonë nuk do të ndryshojnë”, shkruan Davutoglu.

Tensionet mes Rusisë dhe Turqisë pas rrëzimit të avionit rus janë rritur ndjeshëm, me presidentin e Rusisë, Vladimir Putin, që paralajmëroi “pasoja të rënda”.

Gjithashtu lexo

Vetëndizet vetura e mërgimtarit – (VIDEO)

Të shtunën mbrëma në dalje të fshati Zherovjan për në fshatin Radiovcë, është vetë-ndezur në …

Leave a Reply

Your email address will not be published. Required fields are marked *