Home / Lajme / Maqedoni / Komisioni anketues për përgjimet do t’i marrë në pyetje dëshmitarët

Komisioni anketues për përgjimet do t’i marrë në pyetje dëshmitarët

Komisioni anketues për skandalin me përgjimet sot në seancë duhet t’i marrë në pyetje dëshmitarët.
Të thirrur para Komisionit për të dëshmuar janë kryeministri dhe lider i VMRO – DPMNE-së, Nikolla Gruevski, zëvendëskryeministri dhe ministër i Financave, Zoran Stavreski, ministrat e mëparshëm të Punëve të Brendshme dhe të Transportit dhe Lidhjeve, Gordana Jankulloska dhe Mile Janakieski, ish-drejtori i DSK Sasho Mijallkov dhe shefi i kabinetit të kryeministrit, Martin Protogjer. Ata duhet ta njoftojnë Komisionin se kur në periudhën prej më 9 deri më 15 dhjetor do të mund të dëshmojnë.

Në listën e dëshmitarëve të VMRO – DPMNE-së ishin kryeministri Gruevski, zëvendëskryeministri Stavreski dhe ish-ministrja Jankulloska, ndërsa në listën e LSDM-së janë Mijallkov, Janakieski dhe Protogjer.

Seancat në të cilat do të merren në pyetje dëshmitarët do të jenë të mbyllura për opinionin.

Komisioni anketues planin për punë me dinamikën e marrjes në pyetje të dëshmitarëve dhe vizitën e institucioneve e miratoi javën e kaluar.

Është paraparë dy aktivitetet të zhvillohen në mënyrë paralele prej më 7 dhjetor deri më 22 janar 2016. Sipas tajmingut për punë, seanca për përgatitjen e raportit të Komisionit është planifikuar për më 29 janar 2016. Raporti duhet të jetë gati deri më 31 janar.

Gjithashtu lexo

Lumi në Poroj të Tetovës ende mbetet pezull, banorët bllokojnë rrugën Tetovë-Jazhincë

Banorët e fshatit Poroj, sot (18 gusht), prej ora 14:00 e kanë bllokuar rrugën rajonale …

Leave a Reply

Your email address will not be published. Required fields are marked *