Home / Kryesoret / PD, Topollaj: 9 vendime hajdutërie nga Veliaj në një ditë të vetme

PD, Topollaj: 9 vendime hajdutërie nga Veliaj në një ditë të vetme

Partia Demokratike, me anë të një deklarate të këshilltarit të saj në Këshillin Bashkiak të Tiranës, Fabian Topollaj, theksoi se më datë 30 dhjetor kryebashkiaku Erion Veliaj këkron të kalojë 9 vendime në mbledhjen e Këshilliat Bashkiak, që sipas PD-së, “përkeqësojnë jetën e bizneseve dhe qytetarëve, rrisin taksat dhe vjedhin pasuritë publike”.

“Kuptohet pse gjithë ky ngut i kryebashkiakut që në një mbledhje të vetme të kalojë po aq vendime sa i ka propozuar Këshillit në 4 muaj qeverisje të tij të Tiranës. Secili prej tyre është me abuziv se tjetri, secili është më klientelist se tjetri, secili është më korruptiv se tjetri. Në rendin e ditës së datës 30 dhjetor dallohet qartazi se nguti për të vjedhur me asetet e qytetit është i vetmi interes në rendin e punëve të Veliajt. Pas rreth 2 muajve pa u thirrur Këshilli Bashkiak Tiranë, mbledhja më e rëndësishme e vitit, ku diskutohet buxheti dhe paketa e ndryshuar e taksave vendore të kryeqytetit, do duhet të vendosë edhe për dhënie koncensionesh mu në zemër të Tiranës për klientet e Veliajt dhe padronit të tij, për transferim pronash publike të kryeqytetit pa shpërblim në favor të të tretëve dhe deri për rrëzimin e Planit Vendor të kryeqytetit në funksion të rrëzimit të barrierave ligjore që pengojnë Veliajn në miratimin e lejeve abuzive të ndërtimit”, deklaroi Topollaj.

“Parku Rinia që u nis nga Rama për t’u dhënë me koncension por nuk u përfundua dot përpara 8 vitesh nga Kryebashkiaku i atehershëm, po bitiset nga Veliaj sot. Dhe pse 8 vite më pas, klienti i qeverisë do të marrë për 35 vite me koncension një nga asetet më të çmuara të qytetit të Tiranës, me të njëjtat terma referencë si përpara 8 vitesh. Nisja e hartimit të Planit Vendor të Përgjithshëm të Tiranës, ndërkohë që Veliaj me kohë ka dhënë leje abuzive edhe brenda parkut të Liqenit Artificial, ka vetëm një qëllim: të rrëzojë planin aktual vendor që ishte mburoja e qytetit për çdo hajdut që donte të vidhte me lejet e ndërtimit. Hajduti Veliaj me këtë akt do të rregullojë letrat për vjedhjet në të ardhmen. Dhe pse në tejkalim të të gjitha përcaktimeve ligjore, Veliaj do të japë kontributin e tij në rritjen e taksave dhe tarifave. Paketa fiskale që propozon Veliaj do t’ua vështirësojë dhe më shumë jetën qytetarëve dhe bizneseve”, shtoi Topollaj, i cili nënvizoi se “50 milionë dollarë taksa shtesë parashikon t’u marrë bizneseve dhe qytetarëve në të ardhmen Veliaj”.

/ Top Channel

Gjithashtu lexo

Aksidentohen dy autobusë dhe dy makina, 15 të lënduar në Strumicë

15 persona janë lënduar dje në një aksident rrugor në rrugën lokale në fshatin Bansko …

Leave a Reply

Your email address will not be published. Required fields are marked *