Home / Kryesoret / Euro-deputetët në takime të ndara me liderët politik, Janevën dhe KSHZ-në

Euro-deputetët në takime të ndara me liderët politik, Janevën dhe KSHZ-në

Euro-deputetët Riçard Houit, Eduard Kukan dhe Ivo Vajgl të hënën do të kenë takime të ndara me nënshkruesit e Marrëveshjes së Përzhinos, por ende nuk dihet nëse do të kenë takim të përbashkët me ta, mëson “Meta”.

Treshja e euro-deputete me liderët politik do të bisedojnë për zbatimin e plotë të marrëveshjes ndërsa parashihen edhe takime me prokuroren speciale Katica Janeva dhe përfaqësuesit e KSHZ-së.

Sipas agjendës, Houit, Kukan dhe Vajgl gjatë qëndrimit në Shkup do të takohen edhe me ambasadorin amerikan Xhes Bejli dhe euro- ambasadorin Aivo Orav ndërsa prej orës 13 do të mbahet edhe konferenca e shtypit në info-qendrën e BE-së.
Vizita e këtillë e euro deputetëve vjen disa javë pasi komisari Han iu dërgoi letër liderëve politik ku shprehi shqetësimin e tij për shkak të shkeljes së afateve të Marrëveshjes së Përzhinos.

Rikujtojmë se dje, zëdhënësja e eurokomisarit për negociata dhe zgjerim Johanes Han, Maja Kocijançiq, sot konfirmoi se Han do ta vizitojë Republikën e Maqedonisë nga mesi i këtij muaji.

Me këtë paralajmërim të zëdhënëses së Eurokomisionit implikohet se Han do ta vizitojë Maqedoninë më 15 janar, ditën kur duhet të zgjidhet Qeveria teknike në krye me kryeministër të ri detyra e vetme e së cilit do të jetë zbatimi i zgjedhje të parakohshme parlamentare më 24 prill të këtij viti.

Gjithashtu lexo

Lumi në Poroj të Tetovës ende mbetet pezull, banorët bllokojnë rrugën Tetovë-Jazhincë

Banorët e fshatit Poroj, sot (18 gusht), prej ora 14:00 e kanë bllokuar rrugën rajonale …

Leave a Reply

Your email address will not be published. Required fields are marked *