Home / Lajme / Botë / Ajri i ndotur, vdesin 5.5 milionë njerëz në vit

Ajri i ndotur, vdesin 5.5 milionë njerëz në vit

Më shumë se 5.5 milionë njerëz në të gjithë botën vdesin para kohe çdo vit për shkak të ajrit të ndotur, sipas një studimi të ri.

Numri më i lartë i vdekjeve është në vendet që po zhvillohen me shpejtësi ekonomikisht si Kina dhe India. Faktori kryesor është emëtimi i grimcave të vogla nga termocentralet, fabrikat, automjetet, dhe nga djegia e qymyrit dhe drurit.

Të dhënat janë pjesë e “Global Burden of Disease Project”. Studiuesit e përfshirë në këtë iniciativë thonë se statistikat tregojnë se sa larg dhe sa shpejt duhet të ecin disa vënde për të siguruar ajër të pastër për qytetarët e tyre.

Delhi në një ditë me ajër të ndotur numri i grimcave është më i madh se 300 mikrogram për metër kub, ndërkohë që normalja është 25 deru në 35 mikrogram.

Të marrësh ajër në kushte të tilla rrit rrezikun e sëmundjeve të zemrës, infarktit, problemeve me rrugët e frymëmarrjes, madje dhe kancer.

Sipas studimit, ajri i ndotur shkakton më shumë vdekjes se faktorët e tjerë si kequshqyerja, obeziteti, alkooli apo droga, dhe seksi i pasigurtë. The Global Burden of Disease Project e vendos atë në rrezikun e katërt më të madh pas tensionit të lartë, rrezikut ushqimor dhe duhanit.

Gjithashtu lexo

Nga shtatori çerdhet me dy ndërrime, ja oraret

Nga shtatori çerdhet do të fillojnë të punojnë me dy ndërrime. Kështu njoftoi sot ministra …

Leave a Reply

Your email address will not be published. Required fields are marked *