Home / Kryesoret / Kadri Veseli përkujton Shaban Polluzhën në 71 vjetorin e rënies

Kadri Veseli përkujton Shaban Polluzhën në 71 vjetorin e rënies

Kryetari i Kuvendit të Kosovës, Kadri Veseli nëpërmjet një postimi në llogarinë e tij në Facebook ka përkujtuar heroin Shaban Polluzha në 71 vjetorin e rënies së tij.

“Në dimrin tragjik të vitit 1945, ky burrë i madh i Kosovës, u priu mijëra luftëtarëve në kryengritjen kundër terrorit komunist jugosllav, i cili po përgjakte pasivisht fshatrat dhe qytetet e Kosovës”, ka shkruar Veseli.

Ky është postimi i plotë i Veselit:

“Sot, në 71 vjetorin e rënies, kujtojmë me përulje, plakun e odave të Drenicës, komandantin me plis të bardhë, Heroin e Kosovës, Shaban Polluzha.

Në dimrin tragjik të vitit 1945, ky burrë i madh i Kosovës, u priu mijëra luftëtarëve në kryengritjen kundër terrorit komunist jugosllav, i cili po përgjakte pasivisht fshatrat dhe qytetet e Kosovës.

Kjo kryengritje tregoi fytyrën e vërtetë të regjimit titist, prandaj për 45 vite ky regjim u përpoq të njollosë dhe zhdukë kujtesën për te, por nuk ia doli. Kryengritja e Shaban Polluzhës përcaktoi vetëdijen politike të gjeneratave të Kosovës, deri në krijimin e UÇK-së.

Nderim të përjetshëm Shaban Polluzhës dhe luftëtarëve të tij!” (sic), ka shkruar Veseli.

Gjithashtu lexo

Vetëndizet vetura e mërgimtarit – (VIDEO)

Të shtunën mbrëma në dalje të fshati Zherovjan për në fshatin Radiovcë, është vetë-ndezur në …

Leave a Reply

Your email address will not be published. Required fields are marked *