Home / Lajme / Rajon / Qeveria dënon ashpër djegien e veturës se Memli Krasniqit

Qeveria dënon ashpër djegien e veturës se Memli Krasniqit

Qeveria e Kosovës ka dënuar ashpër djegien e veturës private familjare të ministrit të Bujqësisë, Pylltarisë dhe Zhvillimit Rural, Memli Krasniqi.

“Ky sulm i paprecedent kriminal, i ndodhur në vazhdën e sulmeve që janë kryer së fundi kundër bartësve legjitim të institucioneve të Kosovës dhe ministrit Krasniqi, nga grupe anarkiste parapolitike, synon të krijojë atmosferë të dhunës dhe frikës, si dhe të pengojë punën e Qeverisë së Kosovës dhe rezultatet konkrete të Ministrisë së Bujqësisë si një ndër sektorët prioritar për zhvillimin ekonomik të vendit”, thuhet në reagimin e Qeverisë.

Qeveria e Kosovës thekson se sulmi ndaj ministrit Memli Krasniqi, i kryer nga njerëz të cilët pasi kanë humbur arsyen, duke mos zgjedhur mjete dhe mënyra radikale, po përpiqen ta zhysin vendin në kaos dhe anarki, për përfitime të caktuara.

Qeveria e Kosovës fton organet kompetente të rendit dhe të drejtësisë, që të marrin të gjitha masat ligjore ndaj kryesve të këtyre sulmeve kriminale dhe të parandalojnë përsëritjen e tyre në të ardhmen.

“Qeveria e Republikës së Kosovës, në përputhje me vullnetin e qytetarëve të Kosovës, shpreh përkushtimin e plotë për zhvillim ekonomik, ndërtimin e gjithanshëm të shtetit dhe fuqizimin e partneritetit strategjik me SHBA-të dhe vendet tjera mike, përkundër përpjekjeve që grupe të izoluara po bëjnë për sabotimin e këtyre objektivave nacionale të qytetarëve dhe të Qeverisë së Kosovës”, përfundon reagimi i Qeverisë së Kosovës.

Kujtojmë se mbrëmë pas mesnate, vetura private e bashkëshortit të ministrit të Bujqësisë, Memli Krasniqi, është djegur nga persona të panjohur.

Gjithashtu lexo

Futet për nevoja personale në bunker, burrit i ndryshon jeta përgjithmonë

Ka ndodhur në një fshat të Elbasanit. Burri hyn për nevoja personale në një bunker …

Leave a Reply

Your email address will not be published. Required fields are marked *