Home / Kryesoret / VMRO-ja kundër vlerësimit ndërkombëtar

VMRO-ja kundër vlerësimit ndërkombëtar

VMRO-DMNE-ja mbetet në qëndrimin se ka kushte për mbajtjen e zgjedhjeve më 24 prill dhe sipas saj vlerësimi i mbrëmshëm i ambasadorëve të huaj është i pa argumentuar dhe i bazuar në vlerësime politike dhe jo fakte.

“Përfaqësuesit e SHBA-së dhe BE-së nuk prezantuan asnjë argument të vetëm serioz në materialin ku është paraqitur teza e mosgatishmërisë së Maqedonisë për zgjedhje, që do të thotë se është e qartë se bëhet fjalë për vlerësim të bazuar në vendim politik e jo në fakte. Gjatë ditëve të kaluara, në komunikimin intensiv me ta, në të gjitha nivelet, si politik, ashtu edhe teknik, jemi bindur se nuk ka argumente të qëndrueshme për shtyrjen e zgjedhjeve”, thuhet në reagimin e VMRO-DMNE-së.

Veç kësaj, VMRO-ja vlerëson se qëndrimet e këtilla të bashkësisë ndërkombëtare mund të ndërlikojnë edhe më shumë gjendjen në vend.

“Gjendja e tillë mund të çoj vendin në probleme të reja në shtet dhe në vend të daljes nga kriza, të kemi përkeqësim të saj, në kundërshtim me atë që presin qytetarët edhe nga partitë politike edhe nga Bashkësia ndërkombëtare”, reagimi i VMRO-DMNE-së.

Gjithashtu lexo

Stejt Departamenti: Qeverisja e VMRO-së ka nxitur diskriminim fetar në Maqedoni

Grupet religjioze në Maqedoni vlerësojnë se ish-Qeveria e VMRO-DPMNE-së e ka favorizuar Kishën Ortodokse – …

Leave a Reply

Your email address will not be published. Required fields are marked *