Home / Lajme / Botë / Bien aksionet dhe rritet ari pas shpërthimeve të Brukselit

Bien aksionet dhe rritet ari pas shpërthimeve të Brukselit

Bursat europiane ranë të martën dhe asetet që konsiderohen të sigurta, si ari dhe obligacionet qeveritare u rritën, pas dy shpërthimeve në aeroportin e Brukselit dhe dy metor që shkaktuan 31 të vdekur dhe mbi 150 të plagosur.

Aksionet e sektorit të udhëtimit, përfshirë kompanitë ajrore dhe hotelet shënuan rënien më të madhe.

Shkaku i shërthimeve është i panjohur, por ato ndodhën katër ditë pas arrestimit në Bruksel të një të dyshuari për pjesmarrje në sulmet e nëntorit në Paris, ku u vranë 130 persona. Policia belge ka qenë në gatishmëri për çdo kundërveprim.

“Çdo ngjarje e ngjashme me atë që ne po shohim në Bruksel këtë mëngjes do të ndikojë në besimin e investitorëve dhe oreksin për rrezik,” tha Michael Hewson, analist në CMC Markets në Londër.

“Duke pasur parasysh që po vijnë pushimet e Pashkëve, njerëzit do të hezitojnë të hedhin më shumë para në tregjet e aksioneve. Madje mund ti tërheqin paratë,” tha ai.

Indeksi STOXX Europe 600 i udhëtimeve dhe argëtimit ra me 2.2%. Aksionet në kompanitë më të mëdha ajrore ranë me 4% dhe kompania e hoteleve Accor ra 4.1%.

Ari u rrit më shumë se 1% në $1,257 për onz.

Gjithashtu lexo

Pakistan: Vdesin gjashtë ushtarë pas shpërthimit të bombës

Një bombë rrugore, e cila ka pasur cak një konvonj me trupa ushtarake në jugperëndim …

Leave a Reply

Your email address will not be published. Required fields are marked *