Home / Lajme / Botë / Merkel: Kemi pritur me kënaqësi paketën e propozimeve të Turqisë

Merkel: Kemi pritur me kënaqësi paketën e propozimeve të Turqisë

Kancelarja gjermane, Angela Merkel, ka pohuar se kanë pritur me kënaqësi paketën e propozimeve që Turqia i ka paraqitur BE-së, por ka shtuar se kanë nevojë afërsisht edhe për një javë kohë që të diskutojnë detajet e propozimeve, raporton Anadolu Agency (AA).

Merkel në një konferencë për shtyp të mbajtur pas Samitit BE-Turqi ka vlerësuar propozimet e fundit të bëra nga pala turke për forcimin e bashkëpunimit mes Turqisë dhe BE-së.

Ajo duke vënë në dukje se në Samit kanë diskutuar propozimet e ofruara në rendin e ditës nga kryeministrit turk Ahmet Davutoğlu tha se: “E presim me kënaqësi paketën e propozimeve që Turqia i ka paraqitur BE-së, por kemi nevojë deri në Samitin e BE-së që do të mbahet javën e ardhshme. Kjo duhet të konsultohet në parlamentet e shumë vendeve të BE-së”.

Duke rikujtuar se krerët e shteteve dhe qeverive të BE-së më 17-18 mars do të mblidhen në një samit në Bruksel, Merkel ka theksuar se deri në mbajtjen e këtij Samiti do të kryhen diskutime për propozimet e Turqisë.

Merkel ndër të tjera ka shtuar se mbështesin pikat themelore të propozimeve dhe se dëshirojnë të negociojnë në mënyrën më të shpejtë.

Gjithashtu lexo

Nga shtatori çerdhet me dy ndërrime, ja oraret

Nga shtatori çerdhet do të fillojnë të punojnë me dy ndërrime. Kështu njoftoi sot ministra …

Leave a Reply

Your email address will not be published. Required fields are marked *