Home / Lajme / Botë / Kapet kosovari, grabiti pronarët e Juventusit dhe “Fiat”-it

Kapet kosovari, grabiti pronarët e Juventusit dhe “Fiat”-it

42-vjeçari kosovar është arrestuar pas një kontrolli rutinë të policisë rrugore italiane. Në makinën e tij është gjetur një orë dore me vlerë 200 mijë euro.

Një 42-vjeçar kosovar është arrestuar në komunën Desenzano del Garda, në provincën e Breshias, në Itali, i akuzuar si një nga autorët e grabitjes në vilën e familjes së njohur italiane Agnelli, pronarë të klubit futbollistik Juventus dhe të shoqërisë së prodhimit të automjeteve të markës “Fiat”.

42-vjeçari kosovar është arrestuar pas një kontrolli rutinë të policisë rrugore italiane. Në makinën e tij është gjetur një orë dore me vlerë 200 mijë euro.

Pas verifikimeve të forcave të rendit është vërtetuar se kjo orë i përkiste familjes Agnelli, e rezulton si një nga objektet e vjedhura në këtë vilë.

Në zotërim të shtetasit kosovar janë gjetur gjithashtu dhe çelësat e një banese në qytetin Cinisello Balsamo në provincën e Milanos.

Pas kontrollit në këtë banesë policia italiane ka gjetur 18 orë tjera dore e disa monedha ari, të gjitha pjesë e materialeve të vjedhura në vilën Agnelli.

Vila Agnelli është në pronësi të Allegra Agnelli, e veja e sipërmarrësit të njohur italian Umberto Agnelli si dhe nëna e Andrea Agnellit, Presidentit të klubit të futbollit “Juventus”.

Vila Agnelli e cila gjendet në hyrje të qytetit të Torinos, në bren dësi të parkut della Mandria, u grabit më datën 26 mars, në prag të festë së Pashkëve.

Supozohet se banda grabitëëse përbëhet nga 4 anëtarë te gjithë me nënshtetësi të huaj.

Autoritetet italiane po punojnë për zbardhjen e plotë të kësaj ngjarje e mbi të gjitha të faktit se si grabitësit kanë mundur t”i shmangen mbikqyrjes private të kësaj vile.

Gjithashtu lexo

Tërmet i fortë e goditi pjesën jugore të Altlantikut

Një tërmet me intensitet prej 6,7 ballësh sipas shkallës Rihter e goditi sot pjesën jugore …

Leave a Reply

Your email address will not be published. Required fields are marked *