Home / Kryesoret / Komiteti i Helsinkit: Refugjatët në Tabanoc dhe Gjevgjeli kanë mungesa ushqimi

Komiteti i Helsinkit: Refugjatët në Tabanoc dhe Gjevgjeli kanë mungesa ushqimi

Komiteti i Helsinkut në raportin javor për gjendjen e refugjatëve që gjenden në vendkalimet kufitare në Gjevgjeli dhe Kumanovë raporton se numri i refugjatëve në kampin në Gjevgjeli ka qenë 135, por deri në përfundim të javës, ai është ulur për 10 refugjat nga Irani që kanë dal nga kampi, transmeton TetovaSot.

Një familje nga Afganistani që ka kaluar disa net jashtë për shkak të prezencës së minjve në shatorin ku janë vendosur, iu është ofruar një shator tjetër, pasi që kanë shkuar dy familje nga kampi. Nga shatori është vjedhur një televizion plazma.

Me 19 prill refugjatëve iu janë dhënë vaksina kundër paralizës së fëmijëve.

Komiteti i Helsinkit konstatoi se situata në kamp në mënyrë të përgjithshme është e qetë.

“Po vazhdojnë ankesat e refugjatëve në lidhje me ushqimin, i cili shpesh herë është i pamjaftueshëm dhe me cilësi të dobët. Në një rast të izoluar, refugjatëve iu është dhënë supë e prishur. Vetëm me datën 24.04.2016 vërehet një ushqim i përmirësuar që iu dha refugjatëve nga ana e Karitasit. Në kamp po hetohet nevoja për rekreim dhe aktivitete të refugjatëve që për çdo ditë gjenden aty”, thuhet në raport.

Në kampin në Kumanovë, gjatë fillimit të javës ka pasur 787 refugjat, por numri i tyre për çdo ditë është në ulje e sipër, për shkak të asaj që deri në fund të javës arriti deri në 650 refugjat.

“Refugjatët edhe më andej po ankohen për ushqimin e dobët në kamp. Njashtu, ankesat e refugjatëve janë edhe për mungesën e veshjeve verore për refugjatët, duke i marr parasysh temperaturat e larta. Ata kanë në dispozicion vetëm veshje dimërore”, raportuan nga Komiteti i Helsinkit.

Gjithashtu lexo

Lumi në Poroj të Tetovës ende mbetet pezull, banorët bllokojnë rrugën Tetovë-Jazhincë

Banorët e fshatit Poroj, sot (18 gusht), prej ora 14:00 e kanë bllokuar rrugën rajonale …

Leave a Reply

Your email address will not be published. Required fields are marked *