Home / Kryesoret / U promovuan sistemi vaditës dhe oaza dekorative në bulevardin kryesor të qytetit

U promovuan sistemi vaditës dhe oaza dekorative në bulevardin kryesor të qytetit

Në bulevardin kryesor të qytetit, u promovua sistemi për vaditje dhe oaza dekorative e ndërtuar në hapësirat e gjelbra të banesave kolektive.

Shefi i kabinetit të kryetarit të Komunës, z. Bashkim Hasani vuri në dukje që: “Komuna e Gostivarit në tre vitet e kaluara i ka kushtuar rëndësi të veçantë gjelbërimit dhe rregullimit hortikulturor”.

“Me themelimin e Ndërmarrjes Publike për Parkingje dhe Gjelbërimi, punët u intensifikuan ende më shumë dhe këtë vit kemi realizuar më tepër projekte në këtë drejtim.  Bulevardet e qytetit ishin prioritare dhe kemi realizuar disa investime. Sot, ndodhemi këtu për të promovuar instalimin e sistemit të vaditjes, ndërtimin e oazës dekorative si dhe nivelizimin e sipërfaqes së tokës në pjesën e gjelbëruar të bulevardit”, tha Hasani duke shtuar që: “Komuna e Gostivarit beson që rregullimi dhe kujdesi ndaj hapësirave të gjelbra është shumë e rëndësishme për qytetarët dhe shëndetin e tyre, prandaj edhe në të ardhmen do t’i kushton vëmendje të posaçme rregullimit hortikulturor të qytetit”.

Drejtori i e Ndërmarrjes Publike për Parkingje dhe Gjelbërimi, z. Memetali Emro deklaroi që paralelisht me punimet që zhvillohen në parkun e madh të qytetit, ndërmarrja në bashkëpunim me Komunën e Gostivarit realizoi edhe projekte të tjera brenda qytetit, siç është instalimi i sistemit vaditës në bulevardin kryesor të qytetit, si dhe ndërtimi i oazës dekorative.

“Ndërmarrja Publike për Parkingje dhe Gjelbërimi në bashkëpunim me Komunën e Gostivarit ndërtoi sistemin e dytë vaditës në qytetin e Gostivarit. Sistemi i parë u ndërtua tek parku i madh dhe tani edhe në bulevardin vëllezërit Gjinovski respektivisht lagjen “Maleardi”. Po ashtu, u ndërtua edhe oaza dekorative. Punimet për oazën dekorative i kreu ndërmarrja private “Chicago Stone – LLC”, kurse punimet e tjera respektivisht ndërtimi hortikulturor i ka bërë Ndërmarrja Publike për Parkingje dhe Gjelbërimi”, tha Emro.

Punimet e promovuara kapin vlerën e invesim prej rretj 15 mijë euro dhe janë siguruar nga buxheti i Komunës së Gostivarit.

Gjithashtu lexo

Përfaqësimi në ARM, reagon Lëvizja Besa – (FOTO & VIDEO)

Lëvizja BESA reagon ndaj deklarimeve të zëvendës ministrit të Mbrojtjes, Bekim Maksuti i cili shprehu …

Leave a Reply

Your email address will not be published. Required fields are marked *