Home / Lajme / Botë / Alarmohet Evropa nga salmonela e vezëve polake

Alarmohet Evropa nga salmonela e vezëve polake

Pas vdekjes së 5-vjeçarit në Kroaci, 12 nga 28 vendet e BE-së kanë raportuar helmimin nga salmonela.
Përhapja e sëmundjes është raportuar në Holandë, Francë, Gjermani, Belgjikë, Danimarkë, Finlandë, Britani të Madhe, Luksemburg, Suedi, Norvegji dhe Poloni.

Të gjitha këto vende, sipas disa mediave kroate, kanë raportuar për helmimin, për shkak se njerëzit ishin të infektuar në restorante apo kuzhina. Ishte e pamundur për të zbuluar saktësisht se cili produkt ishte shkaktar për qindra raste të helmimit me salmonela, përcjell albinfo.ch

Të mërkurën në Kroaci është raportuar për dyshimin e salmonelës nga vezët e importuara nga Polonia dhe të gjitha vendet i kanë lidhur rastet e helmimit nga vezë të fermave polake.

Sipas shkrimit të agjencisë polake të lajmeve PAP, Holanda dhe Belgjika gjithashtu njoftuan Komisionin Evropian për cilësinë e ushqimit se kanë gjetur vezë të infektuara nga salmonela.

Ky është një kërcënim serioz. Agjencia belge për sigurinë ushqimore ka gjetur kontaminimin me salmonelë në vezët nga Polonia, ndërsa kanë importuar të paktën shtatë shtete evropiane. Vezët e dyshimta janë përdorur në qindra restorante në Belgjikë.

Ministri i Shëndetësisë nga Kroacia, Milan Kujundzic, tha se në rastin fatkeq me 5-vjeçarin infeksioni ishte dëshmuar me “Salmonella enterdiditis”, si dhe te katër anëtarë të familjes.

Gjithashtu lexo

Spanja sërish nën frikën e terrorit, parandalohet sulm tjetër, vriten 5 terroristët

Parandalohet një tjetër sulm terrorist në Spanjë, pas atij të Barcelonës ku mbetën të vrarë …

Leave a Reply

Your email address will not be published. Required fields are marked *