Home / Lajme / Maqedoni / Gjendet pas 104 vitesh dokumenti që ligjëronte përdorimin e flamurit me shqiponjë

Gjendet pas 104 vitesh dokumenti që ligjëronte përdorimin e flamurit me shqiponjë

Komuniteti Mysliman i Shqipërisë është duke i arkivuar në formë dixhitale të gjitha dokumentet qëkanë të bëjnë me të në Arkivën e Shtetit.

Gjatë punës për të dixhitalizuar arkivën e KMSH-së, punonjësit e këtij institucioni kanë hasur në një dokument të rrallë që shënon vitin 1912.

Bëheët fjalë për fetvanë e përdorimit të flamurit kuqezi me shqiponjën në qendër të dhënë nga kleriku i lartë mysliman i asaj kohe, njëkohësisht edhe firmëtar i shpalljes së pavarësisë, Haxhi Vehbi Agolli (Dibra).

Dokumenti është origjinal dhe ka emocionuar jo pak ata që e kanë administruar atë.
Në fetvanë për përdorimin e flamurit aktual, Haxhi Vehbi Dibra arsyeton se flamuri aktual duhej përdorur për hir të bashkimit të shqiptarëve dhe shmangies së ndonjë përçarjeje mes tyre, shkruan Albeu.com.

Arsyetimi i Vehbi Dibrës duket të jetë mjaft i përparuar për kohën dhe kushtet, në të cilat ndodhej shoqëria shqiptare në atë kohë, kur pushteti fetar dhe kulturor i Perandorisë Osmane ishte tepër i lartë ndër shqiptarët myslimanë.

Fetvaja e H. Vehbi Dibrës në lidhje me përdorimin e flamurit me shqiponjë

“Në petkat që ka veshur muslimani, nëse ndodhet një figurë e vogël e një gjësë së gjallë, organet e të cilës prej së largu nuk duken, a ka ndonjë pengim?
Nuk ka.

Nëse gjatë historisë në flamurin tonë është pranuar figura e njohur (shqiponja) dhe duke marrë parasysh se tash heqja e kësaj figure prish bashkimin dhe shkakton përçarje dhe fesat (pëçarje) dhe nga kjo ka shumë mundësi, që edhe vendi të pësojë disa rreziqe; pra, me qëllim për të ruajtur bashkimin e popullit dhe për të ndaluar mosmarrëveshjet dhe inatet dhe me qëllim që të sigurohet qetësia e përgjithshme, figura e përmendur (shqiponja) a duhet lënë ashtu siç është?

Duhet.

Kjo fetva është dhënë në bazë të Sheriatit dhe sipas nevojës së kohës dhe vendit… Duhet marrë parasysh se edhe mbretërit osmanë, të cilët janë edhe kalifë, duke patur dekorata, të cilat u jepen nga ana e mbretërive dhe që përmbajnë në to figura e zogj të zinj, venë e falin namazin… Të veprojmë sipas fetvasë së sipërme dhe të druhemi se mos e hedhim vendin në ndonjë greminë shkatërronjëse…

Nga ju që jeni personalitetet e rralla, të pajisur me dituri, priten shërbime dhe çdo lloj përpjekje, që të bashkuar në mendime dhe veprime me njëri-tjetrin dhe të bashkuar e nën udhëheqjen e Qeverisë së Re, e cila është një dhuratë e Perëndisë, të shfaqemi… para botës politike dhe kësisoj të rrisim dhe të sigurojmë opinionin politik në favorin tonë.”

Fetvaja (ligjshmëria islame) e dhënë nga H. Vehbi Dibra në Kuvendin e Vlorës, nuk ishte një lutje fetare, as një përshëndetje e thjeshtë, por një “dekretim” i aktit të shpalljes së pavarësisë së Shqipërisë.

Gjithashtu lexo

Lumi në Poroj të Tetovës ende mbetet pezull, banorët bllokojnë rrugën Tetovë-Jazhincë

Banorët e fshatit Poroj, sot (18 gusht), prej ora 14:00 e kanë bllokuar rrugën rajonale …

Leave a Reply

Your email address will not be published. Required fields are marked *