Home / Lajme / Maqedoni / ITSHKSH boton tri vepra me rastin e përvjetorit të Institutit dhe 108 vjetorit të Kongresit të Manastirit

ITSHKSH boton tri vepra me rastin e përvjetorit të Institutit dhe 108 vjetorit të Kongresit të Manastirit

Në Institutin e Trashëgimisë Shpirtërore e Kulturore të Shqiptarëve-Shkup, me rastin e nëntë vjetorit të Institutit, 108 vjetorit të Kongresit të Manastirit dhe 200 vjetorit të protestanizmit tek shqiptarët, ITSHKSH në bashkëpunim me Institutin e studimeve protestante dhe shqiptare, botoi tri vepra të rëndësishme:”Gjerasimi: predikues, iluminist, rilindës”, të autorit Xhon Kuandrud, “Pengu i kaçakëve” të autorit Gjerasim Qiriazi dhe “Jeta ime të autores”, Sevasti Qiriazi – Dako.

Në fjalën e tij drejtori i ITSHKSH-së, Skender Hasani në fjalën e tij u shpreh se promovimi i këtyre veprave nuk është promovim i zakonshëm librash.

“Nuk është promovim i zakonshëm por është një histori e arsimit shqiptar dhe i Rilindjes Kombëtare, duke filluar me hapjen e Shkollës së vashave, para 125 viteve dhe Kongresin e Manastirit, e sidomos në periudhat më të rëndësishme për popullin shqiptar dhe zbardhjen e të vërtetës mbi gjenocidin ndaj shqiptarëve nga fqinjët, serbët dhe grekët dhe sidomos në Konferencën e Versajës, në të cilën Sevasti Qiriazi ishte promotore e ndërlidhjes së çështjes shqiptare dhe Shteteve të Bashkuara të Amerikës”, tha Hasani.

Para të pranishmëve u drejtua edhe drejtori i Institutit të Studimeve Shqiptare dhe Protestante në Tiranë, David Hosoflok dhe ambasadori i Republikës së Shqipërisë në Shkup, Fatos Reka.

Veprat e botuara iu dhuruan bibliotekave të institucioneve arsimore e institucioneve tjera në Maqedoni si dhe shkollave të mesme në Maqedoni

Gjithashtu lexo

Përfaqësimi në ARM, reagon Lëvizja Besa – (FOTO & VIDEO)

Lëvizja BESA reagon ndaj deklarimeve të zëvendës ministrit të Mbrojtjes, Bekim Maksuti i cili shprehu …

Leave a Reply

Your email address will not be published. Required fields are marked *