Home / Kryesoret / Kontigjent i ri i policisë çeke në kufirin me Maqedoninë

Kontigjent i ri i policisë çeke në kufirin me Maqedoninë

Kontingjent i ri prej 55 pjesëtarëve të policisë çeke do të sistemohen në Maqedoni dhe Serbi në suaza të misionit për ndihmë në sigurimin e kufirit lidhur me krizën migruese njoftoi Agjencia çeke e lajmeve – CTK.

Udhëheqësi i policisë çeke Tomash Tuhi, dje me rastin e dërgimit të kontingjentit, theksoi se policët të cilët kthehen nga ky mision fitojnë përvojë e cila është e rëndësishme për Republikën Çeke për ballafaqim me kërcënimet bashkëkohore të sigurisë.

“Pas përkeqësimit të krizës së sigurisë në Evropë si pasojë e emigrimit ilegal dhe sulmeve terroriste që ndodhën në disa vende të BE-së, nevojitet që policia çeke të përgatitet për format e reja të kërcënimit”, tha Tuhi.

Ambasadorët e Maqedonisë dhe Serbisë në Pragë Paskal Stojçeski dhe Vera Marviq i shprehën falënderim policisë çeke për mbështetjen e tyre.

Zakonisht, policët çek u ndihmojnë kolegëve të tyre në vëzhgimin e kufirit, përmes zbatimit të kontrolleve të sigurisë dhe kontrollin e automjeteve.

Këto misione të huaja policia çeke i filloi vitin e kaluar kur ka ndodhur vala e madhe e emigrantëve. Deri tani 12 misionet e zbatuara morën pjesë mbi 400 pjesëtarë të policisë të cilët kanë qenë të sistemuar në Maqedoni, Greqi, Hungari dhe Slloveni, vendet të cilat gjenden përgjatë rutës ballkanike të emigrantëve.

Pesë ekipe të policisë çeke veçmë janë sistemuar në Maqedoni ndërsa për herë të parë një ekip do të dërgohet dhe do të operojë në Serbi.

Gjithashtu lexo

Lumi në Poroj të Tetovës ende mbetet pezull, banorët bllokojnë rrugën Tetovë-Jazhincë

Banorët e fshatit Poroj, sot (18 gusht), prej ora 14:00 e kanë bllokuar rrugën rajonale …

Leave a Reply

Your email address will not be published. Required fields are marked *