Home / Lajme / Ky është spiuni francez që vonoi 6 muaj bombardimet e NATO-s kundër Serbisë

Ky është spiuni francez që vonoi 6 muaj bombardimet e NATO-s kundër Serbisë

Bombardimi i NATO-s kundër forcave ushtarake e policore serbe në mbrojtje të popullatës civile në Kosovë, mund të ndodhte gjashtë muaj më herët.
Por këto plane i ka prishur gjeneralmajori serb, Jovan Millanoviç.

 Millanoviç është mbështetur te majori francez Pierre-Henri Bunel, pjesë e inteligjencës franceze, i cili kishte siguruar skicat për caqet e sulmit të aeroplanëve të NATO-s.
Në botimin e plotësuar të librit të tij “Serbia dhe NATO”, Millanoviç thotë se më 1995 kishte detyrë të ishte spiun në Bruksel, në selinë e NATO-s, por nën postin zyrtar si këshilltar-ministër në Ambasadë.
Ai shkruan se i ishte ngarkuar detyra që të ndërtonte një rrjet informimi që do të zbulonte planet e NATO-s.
Ai thotë se në këtë e ka ndihmuar ushtaraku i sipërpërmendur francez.
“Informacionin e parë që kam pasur nga ai e kam kontrolluar në dy ose tre anët, dhe pastaj kam filluar t’i jap detyra.
Ai u fut në lojën e spiunimit, shumë i sinqertë dhe i vetëdijshëm për të gjitha pasojat”, thotë Millanoviç, i cili thekson se përgatitjet për sulm në NATO janë bërë gati më 1998 dhe se vendimi për sulm është marrë më 12-13 tetor.
Këto informata e këto plane të NATO-s ia kishte dërguar Bunel atij në banesë.
“I kemi analizuar në mbrëmje dhe pastaj u ndamë duke menduar se që të dy atë natë do të arrestohemi. Për mua atëherë nisi ferri.
Çfarë të bëj me letrat? Ku të shkoj në ora 11:30? Si t’i mbartja ato?
Dola te dalja nga kontejnerët. Hodha një qese e tjetrën e mbarta.
Në Ambasadë kam përpunuar dokumentet, siç kërkon procedura, dhe i dërgova në Beograd”, thotë ai, duke shtuar se në bazë të këtyre informatave u bë ripozicionimi i forcave serbe, raporton “Express”.
Bombardimi i NATO-s kundër forcave ushtarake e policore serbe në
mbrojtje të popullatës civile në Kosovë, i cili ishte planifikuar të ndodhte 6 muaj më herët, mund të kishte shpëtuar qindra jetë shqiptarësh, dhe qindra gjymtime dhe përdhunime do ishin shmangur nëse sulmi do të ndodhte më herët.

Gjithashtu lexo

VMRO nis fushatë, Maqedonia do të ketë probleme me marrëveshjen me Bullgarinë

Komiteti Qendror i partisë opozitare maqedonase VMRO-DPMNE ka thënë se takimin e fundit është diskutuar …

Leave a Reply

Your email address will not be published. Required fields are marked *